作词：洪文斌
作曲：洪文斌
老人吃蟳仔讲无效 这段感情放水流
你讲咱的缘份已经到 叫我不通搁越头
山盟海誓嫌无够 无采我感情抟这厚
用心计较将你留 尤原将你留祙朝
失恋失恋的节奏 呼我听甲强要哮
失恋失恋的节奏 亲像鸡蛋投石头
枉费我为你这奋斗 想着我目屎流
甘讲有情人著等候 无情的人来回头啊
伤心的酒饮呼够 饮呼茫茫管伊叨位是阮兜
------------------------------------------
8749/《失恋的节奏》Sit-luân ê Tsiat-tsàu
阿吉仔A-kiat--á
老人食蟳仔
lāu-lâng tsia̍h tsîm-á
讲无效
kóng, bô-hāu
这段感情放水流
tsit tuānn kám-tsîng pàng tsuí lâu
你讲咱的缘份已经到
lí kóng lán ê iân-hūn í-king kàu
叫我毋通阁越头
kiò guá m̄-thang koh ua̍t-thâu
山盟海誓嫌无够
san-bîng-hái-sè hiâm bô-kàu
无彩我
bô-tshái guá
感情跋遮厚
kám-tsîng pua̍h tsiah kāu
用心计较将你留
iōng-sim kè-kàu tsiong lí lâu
犹原将你留袂牢
iu-guân tsiong lí lâu buē-tiâu
失恋失恋的节奏
sit-luân sit-luân ê tsiat-tsàu
予我听甲强欲吼
hōo guá thiann kah kiōng-beh háu
失恋失恋的节奏
sit-luân sit-luân ê tsiat-tsàu
亲像鸡卵掔石头
tshin-tshiūnn ke-nn̄g khian tsio̍h-thâu
枉费我为你遮奋斗
óng-huì guá uī lí tsiah hùn-tàu
想着
siūnn tio̍h
我目屎流
guá ba̍k-sái lâu
敢讲有情人
kám-kóng ū-tsîng-lâng
著等候无情的人来回头
tio̍h tán-hāu bô-tsîng ê lâng lâi huê-thâu
啊~伤心的酒啉予够
ah~ siong-sim ê tsiú lim hōo kàu
啉予茫茫
lim hōo bâng-bâng
管伊佗位是阮兜
kuán i tó-uī sī gún tau