作词：叶枫华/高平
作曲：叶枫华/Nacix
边个边个贩卖焦虑
边个边个制造恐惧
边个边个利用情绪
一起身 睡眼惺忪 就刷到新信息
教我点样买车买楼 点样快速升职
返到公司 同事讨论存款几多算合格
要成为男主角应该要有跑车要有一米八
喂 哩个时代 仲会唔会有真爱
丘比特好似退咗休 俾互联网取代
你唔好再喺度唱月亮代表你的心
你买嘅钻戒有几大 佢就爱你有几深
太多怪声音教我去做人
放肆花费叫大气上了总裁瘾
彰显身份掩饰人不堪
系咪我打肿块面
先至唔会一个人
边个边个贩卖焦虑
边个边个制造恐惧
评论太注重能力
未够几亿身家已成一种控罪
边个边个利用情绪
边个边个将版面占据
风向者抨击取笑别人
降低思考敏锐
打开个app 身形面型 个个都系林志玲
我对住块镜问个天 点解咁鬼 唔公平
我嘅另一半宁愿喺直播间度送礼物
都唔愿意一年一次认真陪我过生日
系咪我要有统一模版嘅五官同身材
先会有人关注我嘅内在 先值得被爱
我想遵从我自己 点解俾人讲是非
其实我根本冇做错 点解会变得自卑
太多怪声音教我要学人
幼态纤瘦叫绝美 上了减肥瘾
手袋装身掩饰人不堪
系咪我美若天仙
先至唔会一个人
边个边个贩卖焦虑
边个边个制造恐惧
评论太注重容貌
原图直出画面已成一种控罪
边个边个摧毁情绪
边个边个将三观震碎
风向者偷偷取笑别人
信心顷刻拮据
边有咁多嘅完美 大家都系普普通通
其实世界根本无童话 不如一起放轻松
不知不觉一直喺度追求紧外在嘅价值
发现思考嘅能力 全部俾互联网侵蚀
导致太多人 病急乱投医 忘记自己本意
究竟边个去定义 铺天盖地嘅舆论文字
点样先系成功人士 点样先至过得精致
或者今天认为嘅真理 听日就会变成无知
请你请你道别焦虑
请你请你告别恐惧
成熟透过自信来代替自欺
推开怪文 赶走畏惧
请你请你抛开愁绪
请你请你将三观正对
一百种追光方法为何要面花光血泪