24161/《沧桑》Tshong-song
洪荣宏Âng Îng-hông
怎样看人生的沧桑
tsuánn-iūnn khuànn jîn-sing ê tshong-song
唱出一段爱的文章
tshiùnn-tshut tsi̍t-tuānn ài ê bûn-tsiong
毋管拄著偌济创伤
m̄-kuán tú-tio̍h guā-tsuē tshong-siong
保持咱本性的善良
pó-tshî lán pún-sìng ê siān-liông
天公赐予我
thinn-kong sù hōo guá
有满腹的力量
ū muá-pak ê li̍k-liōng
读册教示阮奋斗的营养
tha̍k-tsheh kà-sī gún hùn-tàu ê îng-ióng
毋敢反背离乡时阵的苦衷
m̄-kánn huán-puē lî-hiong sî-tsūn ê khóo-thiong
感受一切世事无常
kám-siū it-tshè sè-sū bû-siông
温暖的太阳
un-luán ê thài-iông
正义的坚强
tsìng-gī ê kian-kiông
陪我破开阵阵危险的波浪
puê guá phuà-khui tsūn-tsūn guî-hiám ê pho-lōng
社会多变动
siā-huē to piàn-tōng
我绝对袂放荡
guá tsua̍t-tuì buē hòng-tōng
最后展出胜利笑容
tsuè-āu tián-tshut sìng-lī tshiò-iông
回头看人生的沧桑
huê-thâu khuànn jîn-sing ê tshong-song
写出一段爱的文章
siá tshut tsi̍t-tuānn ài ê bûn-tsiong
毋管拄著偌济创伤
m̄-kuán tú-tio̍h guā-tsuē tshong-siong
保持咱本性的善良
pó-tshî lán pún-sìng ê siān-liông