作词：江惠仪
作曲：江惠仪
哪会愈行愈近煞愈生份
哪会走揣犹是揣无身份
只有搬著正确的模样
滚绞伫袂倒转的青春
也想欲改酒 也想欲好困
只是错误的感受 毋知按怎吞 按怎吞
想欲穷分 想欲怨恨
想欲接受 其实 也会 穷分 也会 怨恨
掩崁的声音按怎捘
暗暝的空虚按怎坉
我毋知应该按怎熥 一时阵 一时阵
无价的意志无准算
当掉的灵魂拢无䞐
就予我解脱予我困 这时阵 这时阵
一只两只三只四只 按怎算犹是算袂了
一杯两杯三杯四杯 按怎改犹是改袂掉
一改两改三改四改 想袂走犹毋放我煞
一暝两暝三暝四暝 想袂困哪会一直吼