唱：尹光 & 曾小敏
作词：潘一帆
作曲：古曲
编曲：周炽楷
生白：哗 乜咁香嘅
旦白：好香咩
生白：枕又香 被又香
今晚 我觉得阿芳妹你 你特别香呀
旦白：系唔系啫
生白：真系㗎
生唱：香喷喷 鲜花伴云鬓
光阵阵银灯照玉人
旦唱：夜静月满楼
偷赠郎君香艳吻 好等蝶儿留得采花痕
愿同化小冤禽
生白：芳妹 阿翔哥系房入面噃
旦白：唔驶怕 佢训著咗啦
生白：系咪真㗎
旦白：真嘅
生唱：蝴蝶情如醉
蝴蝶梦何曾 蝴蝶花开蝴蝶寻
旦唱：蝴蝶恋花花恋蝶
蝴蝶心已占花心
蝴蝶儿呀 好等蝴蝶成双到梦魂
生唱：今晚月 多情
照出艳影成双
仿佛似洞房 谐衾枕
倘若小 红灯 变作蠋宵龙凤
何愁楚岫叹无云
春梦最香甜 我惟愿春梦成真
替妹你画眉 和傅粉
夜夜倚红灯 夜夜眠花醉月
卿吹玉笛 我弹筝
有情曲谱有情词 扫尽哀伤排尽恨呀
旦白：我又何曾唔系咁想呢九环
生白：哦
旦唱：我又怕想得诗情画意
都化作流水行云
今宵相对亦欢愉
生白：系囉
旦唱：得亲近时多亲近呀
生白：我都想嘅
旦唱：且看比翼凤凰衾
且看双飞蝴蝶枕
今晚为郎更换 为郎陈
陋室呀 虽然 多缺憾
都好过破窑一角 长使香梦
生白：乜嘢呢
旦唱：成尘
生唱：唉 可惜同房仲有人
说话会听闻 我地谈情就要留神
若要谈情 必要小心
旦唱：可以低啲声音
生白：细细声
旦唱：至弊嘈嘈震咋
我地匿埋倾倾吓 半夜谈情系最销魂
生唱：我手都冰晒脚又震呀
嗱 已经震到入心
生白：唔好啦 都系各有各瞓吧啦
旦白：唔怕 细细声咋吗
驶好大声㗎咩
生白：唉
旦唱：咁都驶怕确系慎
翔哥平日最烂瞓呀
生唱：心肝都卜卜跳囉
佢一声乞嗤我立时就会晕
旦唱：咁怕 我就去熄银灯啦
生唱：咁会 令佢起疑心嘅
最好将灯熄暗啦
我哋联埋就变咗一人
生白：好吗
旦唱：我就连忙 挑灯
现在完全灯影暗
生白：系噃
旦唱：我就嚟伴君 痴住唔愿分
生唱：名花并头两相亲
唉 忆起春灯
我乜都不兴奋囉
旦白：哎 点解欢喜之中
你又会叹惜起嚟㗎
生白：你唔知㗎啦
旦唱：闻君叹一声
幽欢甜味已无存 不知是悲 还是恨
想 必是
生白：你又知
旦唱：耻我荆钗裙布 山鸡难入 凤凰群
闻君叹一声 偏教疑雨又疑云
枉把芳心 来献赠
生白：我有苦衷嘅
旦唱：想 必是
幻想英翔爱我 忽然妒忌 斩情根
我自问痴心付九环
才有今宵容一吻咋
生白：阿芳妹 你误会咗我嘅意思啦
旦白：究竟系点啫
生白：你听我讲啦
生唱：我与妹你同心结
又怕结错咗同心呀
自问我九环福薄 似秋云
只为羽扇 织成 千古恨呀
春灯焚断 万年恩呀
人纵多情 天不悯呀
我行错桃花运呀
我地呢对爱河情鸟 都要化作恨海冤禽
旦白：哦 原来系咁
生白：你明未呀
旦唱：你为咗羽扇共春灯
生白：系囉
旦唱：至今犹抱憾
可知春灯为月姥 羽扇就系冰人
生白：吓
旦白：春灯同羽扇
就系你同我订婚嘅信物嚟㗎啦
生白：咁奇 真㗎
旦白：真㗎
旦唱：从今后羽扇有情
春灯无恨呀
生白：哈 系咁就好囉
生唱：系咁真系妙妙妙
妙在离离合合 都系呢对情海痴人呀