唱：尹光 & 李敏华
作词：唐涤生
作曲：古曲
编曲：周炽楷
旦白：凤烛替人双洒泪
鱼更摧我独伤神呀
旦唱：惭着凤凰裙 愁看鸳鸯枕
春山 含颦怕忆风月痕
满衣襟 满衣襟
桃花血泪印 恨煞情天不相悯
巫山雨 楚峯云 雨雨云云苦在心
长安一朵飘零杏
今晚夜玉棠难做李夫人
却为花已成胎
又点共得李郎合卺呀
生唱：今宵庆合卺
解得相如恨何用再操琴
春满玉楼笙歌衬
静喜 静喜桃源近
我愿名花不谢 长伴 诗人
帘幕散幽香 烛花红吐艳
若不是公子多情
又怎得佳人 共枕
生白：阿玄机
旦白：吓
生白：你今日得到落叶归根
以后都怕唔驶再学啼蝉飘杏啦啩
旦白：君似东皇怜落叶
可惜我是残花败柳身啫
生白：冇相干
生唱：睇你素馨花插绿云鬓
陶醉我心魂
你驶乜背转身啫 你驶乜背转身
轻轻手抱瑶台月下人
旦唱：我身负了君 我心负了君
生白：有乜嘢负我啫 你何必咁忧怨呢
旦白：我呀
旦唱：我自有所抱憾 劝君休再问
生白：睇见你多愁善感 你唔好咁伤心啦
旦白：你有所不知㗎啦 李公子
生唱：痴人 痴人何用常抱恨
此身甘化碟 红楼傍绣裙
旦唱：花 已无香
惟有限 诗人只合吊花魂
我鱼玄机 已属残脂粉咯
断肠者 空对热肠人
无限思量 又觉腹中难忍...
生白：玄机 玄机
玄机 你点呀玄机
旦白：哎吔
生白：吓 有苏虾叫嘅
生唱：哦哦哦
原来开花结子 真系双喜来临呀
生白：我都可谓一头彩囉
生唱：难怪龙凤烛 佢红泪长垂
怜我呢个新郎 倒运
未同床 先有子
我虽然量大 也难堪
今晚洞 房春 竟成幻梦
苦煞情海 痴人
生唱：唉 灯下徬徨
仲讲乜嘢共谐衾枕 唉
旦白：李公子
生白：点呀
旦唱：我已到这般田地
唯有一死断送香魂
今日孽种都既已离身 我愿在君前自刎
生白：点呀 咪咪咪咪咪咪
哎吔 你须知蝼蚁尚且贪生
你又何必牺牲得咁笨呢
你要知道噃 情可了 缘可了
但系孽债不可了
试问你一死 就谁怜此祸根呢
千祈唔好呀
旦白：系噃
生唱：我不是摧花蝴蝶
何忍见花落香尘呀
自古名花饮恨为多情
你何不一诉凄凉嘅底蕴呀
旦白：李公子
生白：你话我知啦
旦唱：情爱是愁根 种出人间恨
爱河情海 葬尽几多人
我改节为金钱 欲解郎监禁
致有无睱碧玉
留得点点 污...痕
生白：阴公囉
旦唱：含泪入君门 实有满怀悲愤呀
生唱：唉 都系黄金作崇呀
拆散呢对凤凰禽
福薄缘悭休再问 夫妻骨肉要还人呀
生白：阿玄机
生唱：你快去都莫留连
生白：抱埋你个苏虾走啦
生唱：再续你嘅未完情份呀
旦白：李公子
旦唱：难得你汪涵海量
生白：你估我想㗎咩
旦唱：宽恕呢个薄命钗裙
惟有默祝来生
生白：祝乜嘢呀
旦唱：再侍郎衾枕呀
生白：唉 阿玄机
有今生㗎啫 边到有来世㗎
生唱：我惟有叠埋心水 拈灯送玉人呀