唱：尹光 & 谢晓莹
作词：佚名
作曲：古曲
编曲：周炽楷
旦唱：最怕被闲人见 回头把步履移
心忧煎 为玉郎病困牵 祈祷佢复原
靠苍天 盼君盼君快病痊
暗觉亲心变 志比铁石还坚心莫变
啊 罢了苍天
生唱：盲人抱怨 丈人实太尖酸
悲歌 意乱
伤心恐叹目盲未见天
于今竟以月缺难圆无言
红颜绿鬓都偷自怨
佢为檀郎暗牵 芳心已乱
怎得天复见 我弹筝空诉愿
断了相思线 自叹惹下情爱缠绵
此生休再玉萧戏凤鸾 桃眉化轻烟
韶华似飞箭 残破此心
寒灰一寸 便是翠晓春光
任他变迁 任他变迁
修得再世缘 情天那边
情天那边 思忆呀并头莲
旦唱：听琴音 知彼意
心怕佢低头无语
我更心似油煎
无可奈 强欢容
惟有解慰一番 亲把玄霜奉献
旦白：年哥 年哥 你做咩唔啋我啫
快啲饮咗碗药佢先啦
生白：唔饮呢
旦白：年哥我又冇对你唔住
点解 点解你要咁对我呢
生白：云妹 我唔会好番㗎啦
你唔好对我咁好啦好唔好呀
生唱：唉 玉人待我痴心熨贴言
难言 婚姻都未变迁
我细弹玉筝似怀念
妹因我 就误华年
惟有暗自里悲酸 你若嫁此盲人
定抱终生怨 不应抗令尊
你应该嫁大村 都莫为我打算
何苦你就甘违父命
痴恋呢个盲目 嘅少年
叹一载篱下都寄人
长累了阿娇 不浅
旦唱：我不怪你 语相欺
只怪你情太薄
何必对我尖酸 若果我爱新欢
生白：咁咪好囉
旦唱：不念旧人愁
更何苦作离巢 飞燕
郎是既 无情呀
侬当守义 誓不负先母遗言呀
老父对侬厌恶只为失明
亦无非为我终身幸福起见
生唱：呸 从来不惯受人怜
丈夫岂甘人厌倦 情关骨肉理所当然
慧剑一挥 我都宁愿向天涯去呀远
旦白：年哥 年哥 年哥
你去处呀 有冇撞亲你呀
生白：哎吔 撞亲个头添
哎吔
旦白：有冇事呀年哥
生白：阿云妹 你唔好郁
我对眼又好似睇到嘢咁啦噃
旦白：真嘅
生白：你件衫系咪灰色㗎
旦白：唔系呀
生白：唔通我色盲
旦白：可能
生白：咁你对耳环系咪粉红色㗎
旦白：系呀系呀
生白：系啦吗 咁我真系睇见嘢啦云妹
旦白：咁就谢天谢地囉
生白：好囉
旦唱：不枉朝朝暮拜叩苍天
云雾拨开拨开重见 那月团圆
早已淡扫娥眉愿
生唱：我见云英偷偷笑 志可坚
真心相爱 长作伴
我哋有情 有情亦暗牵
相爱真心不变 长住乐园里
共结白头莲 妹你妹你原月中仙
旦唱：君也君也貌翩翩
锦绣才华自有知音见
永心相爱怜
生唱：哎吔小姐呀
感恩深似天
睁开了眼 见你玉容就更娇艳
合唱：好似有情并蒂莲 嗱
望吓对梁上燕 燕飞天
生白：好啦
生唱：我此后光明重睹 喜见花好月圆呀...