作词：佚名
作曲：古曲
怨一声来恨一声
傍月何需立小星
莫说妇人多善妒
自是男儿太薄情呀
莺辞柳去随风影
骤惹酸风还未靖
花溪路径
伏有风流兵
小冤家 违背了闺房令
紫箫声
却伴那风月唱和两三声
花外去偷偷用情还有题红咏
笑似花间蝶
又话情根乃是前定
一诺千金债要清
禁城郎夜归未乞我饶命
为怕王郎负桂英
为免沉迷花月径
冷落家花寻野草
莫非锦阵胜花营
我愿作花魁
独掌花权柄
愿借朱门绣户
做一所铁壁金屏
结柳为藩
下一度森严禁令
哎吔 唉
未进兰房惊雀噪
柸弓蛇影倍心惊
待我轻轻移步进兰房
犹幸未听阎王 吆喝令呀
好彩
呀乜季常咁夜都仲未返嚟呢
返嚟你就知
哎吔 死啦
入门未问荣枯事
魂断香闺起雷霆
待我强颜端带整衣冠
今宵苦乐都由天定呀
呀 夫人
番嚟啦
夫人 晚安
相公 晚安呀
夫人 请坐呀
相公 请坐
请坐 夫人呀
为夫今日应东坡之约
去踏雪游春
至令夫人呀 你冷落香闺
待为夫奉上香茶一盏
聊表齐眉之敬
饮茶
哎吔 呢杯茶唔应该你递俾我饮
应该 应该嘅
我话应该由嗰个女人递俾我饮至岩
开讲都有话啦嘛 妾侍斟茶大妇饮
又何须你私自绸缪代小星呢
哎吔 夫人
我 我见你把面一沉
吓得我心如絮乱囉
夫人你 你把青梨杖放下
待我慢慢禀上呀
季常夫呀 今日兰亭之内可有妇人在座呀
冇呀 真系冇
冇 冇呢
哦 咁著藕色衣裳个个系边个嚟嘅
呀 这 这
乜借番嚟嘅咩
夫人 你唔好嬲至得㗎夫人
你听我讲啦
今日风雪漫天桃林静
黄山小路甚孤清
有一个过路 过路
吓 过路
吓 梗系有个过路姑娘惊只影
佢逃风避雪入兰亭
系呀 系呀
呀 夫人真系聪明㗎 系呀系呀
呢啲唔系聪明
系人之常情姐
人之常情
我冇怪错你囉
唔紧要 我惯㗎啦
请坐啦
你坐呀夫人 我坐 夫人
夫妻好比同林鸟
系系
欢笑原无咒骂声呀
唔紧要呀夫人
郎君还我碧玉钱
灯前共把痴心证
玉钱
还我玉钱来
这下这
乜又借左比人呀
哎吔 夫人 唔系呀
夫人哎吔 夫人哎吔
碧玉钱乃物证
对夫妻有严重性
哎吔
今晚借碧玉作盘问
泪眼泪眼涕泪凝
怒挞冤家你尽改性
哎吔
千拜万拜
我品德查实极端正
一心爱恋卿
待我泣诉娇妻听
讲呀
恨我失去相思证
深深一拜拜玉娥念下情
我骂句郎无情
花间细语自有人代我侦
哎吔 死啦
御赐媒钱赠情人求下聘
心酸心酸咒玉郎负了情
鞭挞力更未轻
酸风来愈劲
哎吔 哎吔 夫人
唔好打啦哎吔 夫人
我认啦 我认啦
唔好打囉我认囉 呀夫人
偷一次未为多
哎吔 攞命呀真系
岂有此理 偷一次都仲话唔够呀
你想偷几多次呀
夫人 一次之嘛
有啲人呀 偷好多次㗎
人地系咁
哎吔
我唔准呀
夫人
错一次犹可恕 圣人皆有错
何况艳福自天成
好有艳福咩你
花染落 阳红
薄醉御春风 亭外挑琴
顿失我矜持性
此亦走马看花
过后不留缘份也
莺啼春梦 醒后不留形
夫人 我醉中遗失了碧玉钱
且待他日索回相思证呀
你都算抵死啦你
哎吔 我唔敢㗎啦 夫人
你唔好嬲啦 攞命呀咁鬼大枝
贴了玉金钱 薄幸难否认
唔怪得话天下男儿皆贼性
偷完还要表忠诚
我妒花防草终年病
体弱何堪守禁城
剩余都只有三分命
今宵留待与郎拼呀
唔好嬲啦夫人
常言顽石都尚点头
点解你六年都未改你嘅风流性
哎吔 哎吔 夫人 夫人唔好打啦
我知错啦 我知错啦夫人 唔好打啦夫人
夫人 你玉手纤纤
而且打在我身就痛在你心
不如 不如唔好打啦
夫人好啦吗
你都唔止错一次嘅啦
想我唔打你都得
咁点呀
我要你跪在柳池静中思过到天明
又要跪呀
跪唔跪呀
跪
唔跪就打
跪跪跪
跪啦
夫人 你睇下阶前露湿
俾个鸳鸯枕垫下膝头哥都得挂
欠奉 跪唔跪呀
跪跪跪跪 揾个地方跪先得㗎
你跪惯个到啦
凹左㗎啦 跪
系呀 娶老婆呀 唉
我跪向花间咒骂两声
花也绝冇情 吐
哎吔 吐我添下呀
唔系呀 我我我唔系吐妳呀夫人
我吐啲花之嘛
怒煞初更塑风太无情
吹花更弄影 整晚未有停 呸
哎吔 仲话唔系呸我
唔系 我唔系呸妳呀夫人
我啲风之嘛
呀 咁衰㖞
成晚系咁吹
你好辩驳呀你 跪啦
雨湿更值风凄露劲
哗 真系翻风添㖞
翻风好冻呀
我都要高床暖枕训觉啦
咁我呢夫人
你慢慢跪 跪到天光
唉 鬼叫我背娇妻
宿债未结清
暗中两订情
朦胧迷路径
罚我跪池罪太轻
怨声老苏靠害人
灾瘟撮合星 险致断赤绳
搅到我罚跪冷宵暗自悲 孤影
愈夜就愈冻 唉 成日系咁罚
足足跪左六年呀 跪到凹晒
真系攞命 唉
我记得啦
呀东坡兄今日同我讲过
佢话黄洲乡例
立有七出之条
其中有云 凡女子嫁夫
五年无所出者 其夫得立偏房
倘若拒夫立妾 得而休之
哼 佢分明犯左七出之条
好 我一于唔跪
东坡吐尽扬眉话 季常回复丈夫形
待我一声吆喝坐堂前
步入房中把威风逞
玉娥 开嚟
哎吔 闺中都尚未有命
你因何回房不跪呀
我以后都唔跪㗎啦 嗱 你听住呀
咁叻呀
梗系啦 不孝有三 无后为大
我要正正式式娶个偏房
你答应定唔答应
哈 季常夫 你讲真呀抑或讲假㗎
真 珍珠都冇咁真
真系嘅
系
陈季常 想我入你陈门
曾有三章约法
说道你娶妇归堂之日
就系我下堂求去之时
你敢唔敢写下休书一纸
共我斩断恩情呀
吓 写唔写 敢唔敢写
写咪写 唏
一纸休书容易写
我怕你覆水难收都已断情呀
咁衰
夫人 不若你准我娶个琴操 添雅兴
哼 我唔准呀
捣芳心 平地起雷霆
兰房一向奴当正
我要百年独占枕边情
写休书 来判定
斩断情丝 用管成
四宝文房 来摆定
写啦
写咪写 你估我唔敢写呀
胭脂虎 吓坏俏花荣
话出断难成幻影
相争难以说和平
写休书显尽男儿性
黑书白纸写分明
写啦 写啦嘛
写咪写囉
何须勒马临崖岭
讲得出做得到系男人大丈夫
讲得出做唔到嘅系闺中牛马咋
你唔敢写就唔好写啦
写 写咪写囉
不过要想休书内里情
我谂下点样写呀
你估我唔敢写呀
唏 讲乜野血气男儿多烈性
写啦 写啦嘛
呸 断难功败在垂成
烈火燃眉 心火盛
写啦 哎吔 佢真系写㖞
哎吔 死囉
惊呀呢 嗱
你个负心人呀
惊呀呢
一纸休书存在手
要你顶上乌纱丧前程
混帐
一别如同陌路人
此后相逢莫再将奴认呀
玉娥 玉娥 玉娥
你去边呀
哈 去边关你咩事呀
我都未犯七出之条你就写下休书
我去刑部府堂告你呀
你未犯七出之条
梗系啦
唔通我写错
错就冇写错 不过漏左啲野啫
漏咩嘢呀
漏左乜野一阵至话你知
我而家问你 你可有兄弟呀
一共八个
子侄呢
子侄咪成群囉
冚唪唥都系囉呢啲
好 等我将黄洲乡例读清楚比你听啦
读呀
黄洲乡例立有七出之条
凡女子嫁夫 夫无叔伯子侄
五年无所出者 得立偏房
倘若拒夫立妾 得而休之
你就系漏左冇叔伯子侄个句呀
吓 夫人咁我唔写啦 比番我啦
烂开呀你 我唔算呀
已成陌路不容情 告上府堂 将罪定呀
因住嚟
夫人 讲下笑咋嘛 哎吔 死啦
比呀苏东坡累死啦呢次真系 唉
此回欲了心头愿
谁料木匠担伽要受刑呀
(好多谢 咁跟住落黎仲有嘢唱㗎啵唔好走住噃
嗱 我哋比啲掌声欢迎李凰小姐再次出场)
(多谢你 多谢光哥)
(谢晓莹)
(多谢哂)
(我哋仲要请所有嘅嘉宾一齐出嚟唱好吗)
(请埋4位嘉宾出嚟)
(钟丽蓉小姐 曾慧小姐)
(曾慧小姐)
(邓美玲小姐)
(李凤小姐系我格离)
(仲有张美峰小姐 请大家)
(仲有谢晓莹小姐)
(多谢)
(咁多靓女我哋大家一齐唱呢只歌
跟住呢只歌系我尹光大作
我自己写嘅系多谢你地买飞入嚟听歌嘅
好唔该大乐队)