作词：佚名
作曲：古曲
寒山月 影云宵
伤心人对夜迢迢
午夜梦回 怕听嗰只寒鸦叫
毕竟为谁风露
我立终宵触景怀人多苦了
呢个情场孤客
今夜有苦难描
唉 我长叹一声
今日人已渺
不复再听潇湘琴怨
不复再拥小蛮腰
恨佢贪慕虚荣
今日情变了叹一句多情如我
竟遇此那薄幸嘅娇娆
前尘记忆泪洒似狂潮
卿莫道赠金还玉照
恩情如梦兆 空说渡鹊桥
我为娇娆说什么情心相关照
一旦似烟消明月向他方照
此后我就詏折嗰支凤凰箫
休弹离鸾调
正系情根原是系恨根苗
空有个侠盗黄衫
佢把我来护照
毕竟痴心如我
难压那万丈情潮
一任作茧春蚕
也都愿把情丝 嚟断了
今已作情缘了 唉
我愁难渡渡鹊桥
隔阻了蓝桥
我毅然绝爱娇
如今爱情似烟消
哎吔 寸心寸心我惯寂寥
我怕看相思鸟
半悲半恨还憎抑或笑
一念到女儿心
恰似那垂丝柳
一任那风雨飘摇 叹 名花
只恐妳老去年华
问你只剩情长
有多少宝钗分
那桃叶渡
难复再一曲琴瑶
今晚我念前尘
总觉得旧梦如烟
只剩得凄凉凭吊
一朝隔阻两地遥
我与凤喜情未了
相思旦夕与花朝
恨寄凭歌多写照
我记得重逢
凤喜错种那情苗
如今历恨朝
昔日同林鸟多照料
金屋已备储阿娇
我念到亲戚笑
话我痴心爱阿娇
只因病亲辞萱离别了
个阵弹爱调
竟遇絃断兆
断絃令我深恩义了
你仲话情难再动摇
几番向郎慰解唱情调
询我归乡去呀
叹息泪如潮
岂料回来难续爱根苗
卿呀妳已嫁了
相思无无药疗
偷约只相见
凤喜已动摇
今寒盟誓约怨娇娆
我怨娇娆 恨娇娆
相逢嫁后恨难描
妳飞入豪门向新欢笑
妳知否痴情旧侣恨难描
可笑妳酬恩竟向金龟召
妳知否冤冤孽孽都还不尽
恩恩义义
我都问你怎能消
你睇吓天边月 照向别人圆
哎吔吔不了之情 终须了
叹一句多情偏遇一个无情者
真系可怜人对 呢一个可怜宵
(好多谢大家 多谢大家嘅掌声
更多谢大家一直以来系呢十几年
我唱粤曲演唱会大家都支持我
不过咁 唱一次就少一次㗎啦
有得听你好快啲听啦
因为你谂下我哋啲咩嘢年龄至得㗎
唱都唱左几廿年㗎啦 好唔好听呀
咁呀 最紧要大家话好听
大家好听呢出年仲有得唱
若果唔系出年冇得唱㗎啦 唉
今晚我知全场都爆棚㗎 系咪系咪爆晒
有冇啲吉位呀 冇呀爆晒呀
因为我自己买飞都冇呀 系呀真系㗎
姐系之前啲飞我自己就攞左几廿张卖晒
到后来我老婆家姐又话听 我外母又要听
唔知买咗无雷公咁远嗰度啦
好啦好多谢 跟住落嚟呢唔好阻大家时间
介绍下一只歌曲
呢一只就系叫做帝女花
帝女花街知巷闻㗎啦下
大家比啲掌声欢迎国家一级歌唱家李敏华小姐)