作曲：古曲
雪雁 红梅 翠娟
哼 啲妹仔去晒边啦喂
雪雁红梅和翠娟
妳地而家躝左去边
快共我松下骨斟茶递下烟
呀翠娟佢又唔见面
雪雁佢都未曾被我睇见
三少又觉得唔自然
个啲妹仔冚唪唥去晒边嘅呢
一个人都无嘅
唉 真系激死阿三少
三少无人服侍就唔得㗎嘛
好彩 近日请左个靓女
叫做阿银姐
哗 真系见到佢呢
我就晕得一阵阵啦
好彩今日佢无放假
系厨房呀头先见到佢
嗌佢出黎服侍下三少至得 诈病
银姐 快啲出黎服侍下我啦
喂 出黎啦喂 银姐
三少好辛苦呀
哦 佢话煲好药先出黎㖞
唏 得左啦
我在梦里都犹唤叫
诈病诈得妙
痴心一片我为爱娇 为她种情苗
愿化同命鸟 乐也逍遥
我诈病又诈得妙
虽知三少痴情 我为爱阿娇
心爱慕 要用计挑
与她今晚赴约蓝桥
佢美艳俏妙
我相思朝晚思量夺占阿娇
想计划 要用意表
与她身葬在那情潮
我爱她廿寸腰
盼她都慰寂寥
痴心望常护照
实觉相思难疗
乜仲唔出嚟㗎呢吓 银姐
病死人㗎妳仲唔出嚟
快啲出嚟啦
嚟啦
又听少爷唤叫
我听完又试眼眉跳
佢叫完又叫我心儿焦
郎为了贪色笑
晚晚挨通宵 真恹尖
几时得到第二朝
阿三少爷 佢晓诈娇
声声呻 揾心药疗
我明知佢意表
又试扭计啦
哎吔 三少爷
吓 咁耐至出黎嘅
哎吔 煲药呀
病死人架妳知唔知呀
煲好药至黎得㗎吗 岩饮㗎啦
煲药煲咁耐㗎咩
饮啦
饮药呀
系囉 饮左佢啦
黑咪鼆嘅
饮啦 岩岩煲好㗎咋
哗 咁苦嘅 唔饮呀唔饮呀
哎吔 唔饮点得㗎姐
苦口良药吗 饮左就好㗎啦三少爷
饮都得 妳灌我啦
哎吔点灌姐
唏
咁丑
怕乜姐 嘴对嘴咁唧就得㗎啦
怕乜丑姐 又冇人见
哎吔 咁多人系到仲话无人
妳又系见到人㗎咩
系呀
我唔见㗎
好多人呀
唔怕呢 黎啦
唔得嘅呢
黎啦
唔得嘅呢
哎吔黎啦
唔得架呢
唔怕呢都话 我都睇唔到人
黎啦
哎吔 都话唔好囉
都话唔怕囉银姐
怕呀
真系比妳攞命
你何必偏要学诈娇姐
我求娇将我尽照料
呀 你何必又监我灌药
唉 为因妳细心将我护照
银姐
点呀
妳睇下我成身都发紧烧
点解呀
睇弄个心肝 哗 都卜卜跳
妳 妳摸吓三少个身体
哎吔 男女授授不亲唔得嘅
唔怕嘅 三少比妳摸呀嘛
摸吓
嗱 摸吓睇 系咪呢 发发声吓话
真系跳得好紧要㖞
人地一分钟呢 就跳五十嘢㗎姐
阿三少紧张到 一分钟跳几百嘢㗎
哗 会唔会死呀咁
妳睇下 死就死唔得
若果妳肯灌药就唔死㗎啦
一阵间我又发热 一阵我又见冻㖞
无阴公呀银姐
我觉得阵寒阵热 真正系痛苦难疗
妳对我 (做咩 做咩拉手拉脚姐)
服侍又够慇懃
真系情非少 (妳望吓我呀)
病到五颜六色 (唔系呀)
至有求妳囉 (点啫)
银姐 (唔) 灌药医疗 (咁臭)
我知道过份左啲 我知道过份嘅要求
妳幸勿视作心存 妳唔好嬲阿三少呀
话我不肖囉
哎吔 唔好嬲呀
三少爷呀
吓 咁样呀
唔
一间俾阿三少奶知道个阵时
咁我点算呀 佢一定责罚我嘅
责罚妳乜嘢呀
个阵时水洗都唔清
仲有呢
咁样我 我 我罪名就不少㗎啦
车 三少奶同妳又点同呢
三少奶个啲肉地呀 十号粗沙纸黎嘅
哈 妳就唔同啦银姐
咁样抵毁佢嘅
哈哈 妳呀剥蛋鸡壳滑一滑㗎吗
妳个啲幼沙黎㗎嘛 妳唔驶理三少奶
总之三少喜欢就得㗎啦
好心妳唔好咁扭拧刁桥啦
应承啦
哎吔 都话唔得㗎囉
点解唔得姐
三少爷
点呀银姐
沙三少
听把声就真系攞命呀真系
做人胆大招摇 真冤孽
你存心轻挑 仲情挑阿娇 情丝缠绕
今晚夜 我饱餐秀色
想博乱我欲拥蜂腰 (银姐)
(吓) 痴郎得照料 我唯盼渡蓝桥
哎吔 碗药唔冻唔热岩饮㗎喇
冻啲都唔紧要
饮左碗药先啦乖乖地
锡一啖先啦
乖乖地啦
都话锡一啖先囉
系都唔锡嘅
嗱 饮左少爷就退烧
真系要饮呀
包保得奇效我唯望你
即刻饮去无用治疗
就饮就好 唔到明朝早啦 (唉阿银姐)
请看 我嘅病情好紧要 (唔系呀)
(发冷发热呀) (系咩)
我望娇 妳用心灌药来照料 (哎吔)
嗱 妳饮一啖落个嘴灌落黎咪得囉 (咁臭点灌啫)
唏 妳无用怕 妳含药灌我病能消 好吗
(唔得嘅) (点解啫)
我怕你娇妻见 (唏)
个阵时就不得了囉
闩埋门边到有人见呀
原来 你成晚用情挑 (妳又知嘅)
居心真难料
我忙力抱呀 恨恨一吻何劳借药疗 (哎吔)
啜 又锡多个 哈
哎吔 发达啦今晚
哎吔 你真系曳㗎啦
病都无晒喇
锡人个面珠仔嘅 我唔制呀
唔好嬲啦
我试得伊人一吻真高超
呢宁舍香甜真系俏
一吻治相思 真系香艳囉
啊 你曳呀你 憎鬼死你呀
又闹呀
你顽皮精乖又诈娇
飞擒大咬仲呱呱叫
(我唔制呀 你为名灌药 锡人地个面珠仔㖞)
(嘻嘻阿银姐)
妳够风骚 又够娇娆 我爱妳情深盼妳慰寂寥
阿三少真系一心一意爱妳㗎银姐 (唔制呀)
(点解呀)
我有夫君 枉你种情苗
你家有贤妻咪咁无聊
咪行住 停 咁快就走啦
三少嬲㗎噃 有嘢做呀嘛
埋黎啦银姐 妳唔好嬲啦
唉 嗱 阿银姐
妳知否我为妳一见已情牵
暗被那情丝绕
我爱妳月貌花容
妳嘅人窈窕
正系相逢恨晚续情苗
妳好比彩凤随鸦
辜负妳青春年少
咁青春年少 好嫁唔嫁
嫁个个阿仁 攞朝又唔得晚
都嫁左囉 咁点啫
睇吓妳自己张相先啦 妳呢个富贵样黎㗎
廿寸腰呀 double计就
唉 真系无得顶呀你呢种
唔好笑我啦
妳应享荣华富贵呀 不应为人庸妇 我都暗怜娇
睇吓 花吐艳 蝶怜香
我几番劝妳仳离 改嫁呢个多情嘅三少好吗
嗱
谂吓先啦
阿银姐 妳无蚀底㗎
妳若果妳嫁左阿三少呢
点呀
真系火烧旗杆 长叹呀妳真系
长叹
系呀 三少大把米㗎吗
点叹法呀
妳若果嫁俾我呢 我送四架靓车妳
劳施莱斯又好 奔驰又好 法拉利又好 波子都无问题
仲有钻石 一粒就二十卡嘅
哗
英女王个粒都无咁大嘅
系呀
仲有
点呀
送几间豪宅比妳
三少个啲豪宅唔同人地个啲㗎
我个啲呢 哈哈
点呀
好似隔夜腊鸭咁嘅
隔夜腊鸭系咩黎㗎
忆忆声㗎囉 唏
过忆一层㗎啲楼
咁呀
咁嫁得过呀
谂唔谂得过呀
谂得过
真系谂得过
妳问吓孙国林呀 佢起楼㗎
系咪呀
过忆㗎我买个啲
哦
系呀
咁真系谂得过噃
梗系啦唏
芳心早已付于三少 (最好啦)
春宵里暗比翼 同渡鹊桥
甜言和蜜语将爱表
情坚金石 我为恋娇娆
喂 你戒呀戒轻挑
我爱就爱阿娇
郎热情相邀
我把佢芳心挑逗了
有钱就嫁㗎啦
哎吔 谂谂吓都系唔好啦
又唔制 好多嘢㗎啦俾左
咁阿三少奶咁点算呀
怕三少奶咩
系呀 佢知道点算呀
三少奶 头先我话唔紧要啦
妳惊人地知吓话
系囉
唔怕 妳知我老豆系边个呀
边个呀
我姓沙㗎嘛 沙国林呀
沙国林就系我老豆
千总大老爷
万大事情三少负责 放心呀
真系唔怕呀
唔怕
等我笑灭银灯羞解丁香带
唏 咪住咪住咪住 系呢到解呀
系呀
妳头先又话呢到好多人㗎
你话无人㗎嘛
三少比咁多钱至氹得到妳
妳而家就咁解开比佢地睇 得了嘅
唔好啦 等一阵先啦
剩系俾阿三少一个睇好啦
后面个啲都唔好俾呀
个啲咸湿佬黎㗎个啲 唉
我真系未曾真个 都已魂销
(多谢李凤小姐 我哋仲有歌唱㖞)
(仲有)
(呢只歌仲劲嘅 呢只歌)
(无错呀)
(大家一齐听好无呀 一齐唱好无呀)
(好)
(好 光哥呢会献比大家一只由佢自己填词嘅歌 日日唱)
(日日唱 日日都唱就发达啦)
(曲不离口呀系咪呀)
(好 唔该大乐队)