作词：吕明光
作曲：古曲
(掌声欢迎张美峯小姐)
(大家好)
卿家
主上
小心行呀
有劳主上呀
行啦
并肩复抱腰
唏吔 借酒藉爱寥
享下风流艳福
孤家今晚渡蓝桥
唤句卿家
我又觉心胆跳
妳惊呀
辞万岁衷心一拜忙别了
我扯啦
咪行住
宰相妳要留步
妳归去我寂寥
伴驾天香
我愿化双宿鸟
哎吔 点算
想来愈不妙
恐怕遭难逃祸兆
睇佢桃红面泛添娇俏
我禁不得心荡魄摇
哎吔 点样好
蛮腰偏要惹蝶
浪漫太轻挑
心急煞又难抗诏
卿家
吓
把臂同游共上朝
丽卿妳陪朕去囉
我暗心焦
咦 佢都饮咗咁多
有啲醉意㗎啦噃
好 等阿孤王又诈醉至得
阿卿家卿家 你睇吓
啊 主上
天香府内 月媚花娇
白石桥边 鸳鸯戏水
如此撩人嘅景物
黎黎黎 我地何不共效鸳鸯
同泳银河
咁至算得系风流韵事呀嘛
咁唔得嘅主上
点解唔得呀
唔得嘅
点解唔得呀
嗱 须则君臣同泳
礼制有规 (唔)
何况酒后戏言
微臣恕难遵命啦
混帐 孤王话得就得
唏 偶一为之 冇相干
都系唔得嘅
我系皇帝呀嘛
皇帝话得就即系得
边个咁话唔得呀
唏 唔惊斩头㗎咩
且看交颈有鸳鸯
鸳鸯呀
正好并头就同欣赏 几靓
主上呀 鸳鸯有乜嘢好睇呀
好好睇㗎
嗱 今晚只谈风月
姐系妳又何必扭拧
成个女人咁㗎啫妳
刁桥
惊听弦外知音 宁不解游词挑逗
唏呀 妳只手真系滑一滑嘅啫
咪啦主上 主上呀
嗱 君臣不比鸳鸯 (点解呀)
主上你莫招人 (招人乜嘢呀又)
梗系啦
讥笑
车 边个敢笑呀
唔怕孤王降罪㗎咩
杀头都有份呀 笑
你敢唔敢笑呀
你敢唔敢笑呀
嗱 冇人笑呀
妳听到有人笑咩
不敢不敢
不敢妳就精啲
嗱卿家睇吓呀
又睇 睇咩呀
个到呀
个到 有咩睇呀主上
有两只呀
两只
游紧埋黎个两只嘢呀
两只嘢囉
妳就只 我人黎㗎吗
我皇帝黎㗎吗
系 系
我系只㗎咩
妳又 又唔惊斩头呀
不过孤王就唔会斩妳嘅
嗱 游紧埋黎个两只呀睇唔睇到呀
妳真系生白内障呀妳真系
我近视啫
近视睇唔到呀
呢嗱 一对鸳鸯鸟
嬉游追逐逍遥
双比翼 佢地同栖双宿
我地如此拘束
可恨人不如鸟
主上呀 不怕艳宫中有玉女娇
(孤王唔钟意)
色相艳过玉琢粉雕
(都话唔钟意囉)
点会呢
君王享快乐 何以叹寂寥
唉 你地个个都咁话㗎啦
谂住做左皇帝呢
好风流呀好快活呀
为王日理万机呀
有时都会好闷㗎
等孤王话妳知啦
微臣恭听呀
埋嚟 卿家
妳需知宫庭夜夜 似元宵
选得国色天姿就原非少呀
总觉得昭阳贤淑
哦 当然啦
却又欠惹艳娇娆
(哦 咁后宫呢)
后宫有粉黛三千
但系不苟于言笑呀吗
独少个知音嘅红粉女
伴孤同渡月夕 花朝
咁微臣都帮唔到你㗎㖞
唔系呀 妳肯帮就得㗎啦
吓
卿妳若变 妳若变娇娃
吓
孤愿化作蝶儿
飞呀飞呀 系咁飞 飞
裙边绕
主上
好吗
你要我变呀
变 变呢
你真富于幻想啦主上
唏 我想就梗系咁想啦
丞相 变啦
难变女娇娆
劝主应将意念消
我堂堂男子汉黎噃
我望妳能变女娇娆
孤甘把江山去换娇
为王江山都唔要
(唔得)
我冠封宰相为遍照
唔通你想我女扮男装咩
(车 妳驶乜嬲到又似生虾咁跳
讲吓笑之嘛)
咪讲笑 (讲吓都唔得)
你今宵酒醉言谈尽变调
我醉得轻松添欢笑
双双酒醉更妙俏
心中不禁卜卜跳
唏吔 我乘机揽柳腰
哎吔 主上 你
哎吔
你做乜嘢呀
乜原来妳条腰咁鬼细㗎 唏好好呀
你你你 Stop Stop 停
妳讲咩嘢话呀 咩嘢话黎㗎
我系宰相梗系识讲番话啦
番鬼佬呀
系呀 哎吔 唔得㗎
孤王唔识呀 即系乜嘢呀
主上你咁样唔得㗎
点解唔得 妳讲至得㗎 唉
识讲番话㗎咩
有道酒醉 (系呀) 醒三分
(孤王得两分)
君臣应守礼我是个男子汉
(系咩)
何有柳般腰
(有呀 好细呀)
王后设琼筵
(今晚唔准提王后)
席上画观音 吕太后临寒写照
(孤王记得)
主上呀
(吓)
我曾为太后起沉疴
(好嘢 好嘢)
若到病缠腰姿幸
君臣如有过物理可医疗
主上呀
咩呢
蒙赐宴
(应该嘅应该嘅)
赏微臣
(唔咁又点呀 做咩事呀妳 吓)
哎吔 哎吔
有条毛嘅呢到嘢
哎吔吔 忽觉酒力难胜
(都系醉醉地㗎啦睇吓妳
无理由摆条毛系到㗎吗)
咦 又似 又似飘飘渺渺
(睇唔睇到㗎 挨埋黎啦
发达啦 挨埋黎啦唏)
乜咁长气嘅妳
卿家 无事呀吗
哎吔 呕添呀
喂喂喂喂喂 喂喂喂喂
哎吔 卿家 妳真系醉晒㗎呢
吓 我无醉
无醉
我未醉呢
未醉
我未醉
揾个波波妳吹吓至得㗎真系
我未醉呀
又冇波吹㗎嘛呢到
未醉
唉 妳妳妳真系未醉呀嘛
未醉
得得得得得
妳行条直线比孤王睇吓妳醉未
识唔识行呀 直行呀 行两嘢睇吓
我行到
行到妳咪行囉 行呀
我行到呀
行呀行呀行呀
你睇住啦㖞 呀
喂喂喂小心呀
企都企唔稳仲行 行呀
喂 行㖞行至得㗎
睇睇睇睇吓
成个豪华臀咁两头摆㗎啦
仲话行到
卿家 系呢边 哎吔
主上 主上 主上
我都话我无醉啦
无醉 妳唔醉我醉呀
大家醉呀 醉左有伴吗卿家
哈哈 哈唏
天子风流宰相娇
酒不醉人人醉了
我但愿君臣共醉
感似乐逍遥
睇佢醉后个一种娇容
宛似依人小鸟
(妳即管醉呀妳)
且在醉乡长住
与卿共度花月
(挨埋黎岩㗎啦
唔驶惊 孤王扶住㗎啦)
良宵 哗
(你做咩挨埋黎呀)
(乜咁鬼香嘅呢喂
妳搽左乜嘢呀)
此际香泽又微闻
强贴佢桃腮
面贴面 唏吔
吻了囉
唉吔 主上 乜你咁㗎
锡一啖啫嘛 有乜事啫
哎吔吔
无嘢呀吗
怨主上轻狂一吻
羞得我有苦难言
(驶乜惊啫 哎吔)
唉 你
小心呀 孤王扶住晒㗎啦
奈何人带醉 (最好啦)
无力 无力强支持
孤王扶住妳㗎啦
挨埋黎得㗎啦
唔驶啦
要
唔驶啦
点解唔要啫
唉主上
我未敢有劳你照料
唔紧要㗎 孤王甘愿
孤王甘愿 愿意扶住妳
俾人睇到唔好㗎
车 边到有人睇到至得㗎
好多人㖞
无晒㗎啦 妳睇到我睇唔到呀嘛
幽香飘 (晕得一阵阵)
富情调 (大家都醉咪几好)
步履忽飘非我料
魂儿荡 歌爱调
嗱 我偎抱痴缠着
我暗情挑 似火中烧
哎吔 唔好啦
哎吔 我好紧张呀我 卿家
酒醉衾唤醒 怕移步 惊心闭自
唔驶惊 嗱
傍柳腰 (行啦行啦) 我地去天香
我似惊弓鸟 (驶乜惊啫)
怕寄情调
妳睇吓孤王几咁慇懃
今宵我愿关照囉
莫再拥衾 盼望王上
(乜嘢呀)
守礼为妙 (守礼呀)
翡翠衾难共 唏吔
醉名花好照耀
佢又真系几鬼靓㗎
点解我好似眼花花咁嘅
花花咪好囉
怎禁酒力猛 意迷濛
(点呀) 当真不妙
真系醉㗎 真醉㗎噃 卿家
卿家 要茶不要 要酒不要
要钱唔要 钱都唔要就肯定醉㗎啦
得米呀 扶佢埋去先 哎吔 黎啦
妳慢慢等孤王黎呀 发达啦
今晚大好天鹅我能到口
孤王艳福怎能消
玉人先醉入香帏
我未真个消魂心醉了
生孤王黎陪妳啦 黎啦
咁嘈嘅喂 哗
点解外面咁嘈嘅呢 哼
梗系王后又派埋个啲不男不女嘅太监黎监视本王定啦
岂又此理真系
莫非御妻派人来监视
败孤一场高兴 真系罪难饶
(张美峯小姐 够唔够咸湿呀呢个皇帝
哗 你唱呢只歌好蚀底㗎 你知唔知呀)
(哈哈)
(比唯王索咗好多嘢㗎啦)
(吓 我准备咗38吋小蛮腰㗎啦)
(唔系啦 我第日同你唱多啲呢只歌呀
呢只我有着数呀 多谢晒)