作词：苏翁
作曲：古曲
(掌声欢迎邓有银小姐)
绮梦花春冰
排愁未惯千杯胜
素秋 素秋
红楼月色醉看份外明
园外孤清荒凉
曲折红梨径
庭外我孤单低唤空对月叹孤零
我自伤情 我为爱伤情
痴人早有恨压伤心岭
他不羡白马簪缨
他迷惑黄梁梦境
怜他深宵人不寐
怜他憔悴为痴情
我李代桃彊
三载埋名姓
他悼红悲翠
千日里唤尽 小名
一日积一寸相思
三载深情 难追认
想我与姨丈
也曾约法三章
佢要我锁闭梨门
不能偷逾嘅
我此际意欲过园解慰
又怕失信于人
这 这教我如何是好呢
啊 点解呢只红蝴蝶
对住我徘徊不去㗎呢
唔通呢只蝴蝶就系素秋嘅魂魄
似啦
魂化蝶舞影 蝶似魄形成
魂魄夜半飘舞白玉亭
飘渺渺 似是来慰我孤清
系咁就不枉我断肠相思啦
秋夜墓门开处
今夜素秋化蝶来慰话余情
哎吔 素秋嘅魂魄
飞下飞下 飞左过隔离添
唔得 我追过去至得
弊啦 痴秀才扑蝶追过园来添
咁 咁点算呢
哎吔
秀才 你 你要尊重些
姑娘 姑娘
我方才追住一只红蝴蝶
明明见佢飞落妳红裙之下嘅
故而匆忙寻找咋
红裙之畔
红蝴蝶我就唔见啦 我只系见
裙畔不见红蝴蝶
只见鬼灵精
方才险些唐突姑娘
俾妳闹两句都好应该嘅
唉素秋
妳嘅魂魄飞究去边到呀 唉
若怜我痴狂
快些出现显灵性
素秋
啊 你开口一句鬼魂
埋口又一句鬼魂
咁你到底系揾鬼魂呀
定抑或系揾蝴蝶㗎
我揾鬼魂
下
鬼魂即系蝴蝶
蝴蝶即系鬼魂嘅
秀才 你嘅然当鬼魂即是蝴蝶
蝴蝶又即是鬼魂嘅
咁你又何妨
乜嘢呢
当红衣是蝶影
红袖是蝶灵
红衣是蝶影
红袖是蝶灵
啊 莫非妳系
哎吔 哎吔秀才
做咩姐你好似傻左咁㗎姐
哎吔 我而家真系好似傻傻地咁㗎
姑娘 我问声妳啦
妳未见过红蝴蝶之前
是否病到典床典蓆
下
见过红蝴蝶之后
忽然间又好返呢下话
你何故有此一问呢
姑娘
是否再生缘 凭妳一言来判定
姑娘 我再问声妳啦 妳病过未呀
未囉
咁 咁妳死过未呀
哎吔 我啋
我梗系未死过啦
乜你咁样问人都有㗎
看你因痴成狂病
人鬼分唔清
莫非是醉后迷糊
误当秋色为春令呀
姑娘 妳又未病过 妳又未死过
系我认错人系啦
睇你呀 好似半痴半狂 傻左咁嘅
痴汉避世
难忘断了情
酬唱诗章佳句下了书香聘
数载间属神交
便留下半生情
暗骂句书生太痴情
往事我求续听
灾与难 恨煞无良丞相
佢下个摧花风雨令
我为救心间爱侣
我决意以死拼
可惜重门欲破难
空听她唤郎名
仲话纵非有幸成赵妇
早铸铁般情
燕分飞 青衫一领困愁城
原来你系咁多情嘅
风风雨雨见尽你真性
啊 空相思 千恩 百爱
佢半世苦命
留下我 独处孤身
冷冷冷冷冷于冰
前缘未断时
有朝再续情
但冀得翰墨缘未满
两心里有真诚
送春风 天边海角聚绿萍
阴司怎领还魂証
佢死咗㗎啦
你莫信夭殇已经命丧倾
或者未死呢
寒崖魂断矣 香车中丧命
个中情形系我用耳亲身听㗎
亲身听 真假分不清
虽知哀伤瘦损会落形
哎吔 哎吔吔
艳骨何处拜青莹
夜半怀人怜香客
绝世痴狂人
我衷心已生敬
可叹未有还魂令
更少有化蝶灵
伴你荒凉夜半哭花径
怎得续了红梨命
转世未了情
见你凄然泪珠迸
唤素秋魂未应
似杜鹃啼绝岭
但阴司隔阻怎生听
悲破碎了心灵
嗟半世也伤情
莫醉里素秋频呼名
害得佢凄然难相应
你嘅好意只有心领
花为谁 香促织为谁鸣呀
使我泪落滴遍衣与袖
素秋叫千声
素秋 素秋呀
你咪咁冤气啦
令我醉生梦死嘅意中人
我都未见过佢
佢就死咗囉
或者你见过呢
未见过㗎
都话见过囉
莫道无缘鸾凤配
死生分幽冥
好比抱病痛哭孤单
忆妻苦董永 又好似夜闻雨淋铃
我寸心间 都感染悲不罄囉
我嘅眼泪都忍唔住啦
董永天仙结得百日情
我纵结得翰墨缘徒留恨永
夜来梦难寻
追忆三载和诗原来是泡影
谢素秋当感领你盛情
泉台下暗为唤应
记否记否杜丽娘昔日
还魂缘续订
离魂重合牡丹续约苍天意早定
我枉将诗句唸
未见佢还魂夜诉情
竹林响金声
梨花香玉树
兰闺哭寂寞此夜 恨愁情
一个是惜玉怜香者
一个是飘蓬断梗人
既是已断情弦
又何苦自伤 形影
一读到寄 情诗
一吟到缠绵句
似梦梅泪洒 牡丹亭
佢话斜倚碧纱橱
题尽相思句
不见相思人
染下相思病㖞
一首话灯昏 梦难成
绣阁怜孤伶 薰拢难取暖
垂泪到天明呀
姑娘 啊 乜妳咁顺口
咁 咁读埋落去嘅
呢一首诗 我从来都冇俾人睇过㗎
哦 系 大抵系闺阁女儿伤春之句
多是如此啦 我 我都系断估㗎咋
哦 原来妳系 断估嘅姐
系囉 乜又会咁岩嘅呢可
不过 若果呢一首呢
妳就未必估得到㗎啦
系呀 咁个一首又系点样㗎
佢话命薄 是桃花
纸薄是人情 今日纸上桃花
薄似秋娘命
一首话密密寄心声
写在红罗帕
怕花逢灾劫后
雨露永难承
啊 姑娘 头先个句妳咁岩估中㗎姐
咁呢一句妳又估中嘅
啊 妳梗系食饭神仙定啦妳
唔系 不过咁 所谓天下有心人所见略同呀吗
咁何况圣人都有话啦 佢话亿则屡中
咁我既中其一 又 又何难中其二呢
哦 原来系咁嘅 唉
流泪眼 望不断柳阴花影
破碎心离不了春风玉屏
此亭岂是蓬仙境
难觅凤箫和鸾鸣
哭哭哭 哭一句青鸾杳
好事难成
哭一句好天良夜 成虚境
书生自怨 怕触景
前事纵使印象难忘记
已烟消飞散无余剩
休将泪再倾 唔好喊囉
蜡烛成灰心间印 记在脑海中
三载往事常记认
枉驾雾云更逢暴雨惊
再休要恨锁伤心岭
前尘影事如梦如烟
休再伤感囉
妳未试过妳梗系唔知呀 唔信妳试下
我听见都怕囉 仲敢试咩
唉 心绪 心绪千头难安静
君你 休再痴狂如抱病
且去赴试帏独占魁榜胜
今生再休得风月情
唉 情情情
情误我不贪高官爵禄
野寺去敲经
著袈裟礼佛把凡心静
你似愚顽石欠灵
未免人任性 道理分不清
哎吔
天光㗎啦
哎吔
鸡声啼破云间月
依约未许再留停
素秋未许换红莲
莫把旧爱新恩重追认
你都唔听人劝嘅
我唔同你讲 我 我扯啦
素秋 红莲 小姐
哎吔 咁就走左啦
红梨花伴糊蝶影
新旧相思一段情
(邓有银小姐)