作词：陈剑云
作曲：古曲
牛奶喺边度嚟o架
呀靓女问我牛奶喺边度嚟嘅 牛奶咪喺个牛嗰度嚟囉
咁喺牛嘅边度揸出嚟o架
咁你都问得出 你唔怕羞嘅咩唏喺只牛嘅嗰度
唏唔好问啦 唱俾你听啦
揸......揸......
鲜奶揾只手搏命去揸 电脑发展威胁之下
全部人力唔用求自动化 快趣过每只去揸
揾两餐晏仔继续去揸 就算我揸颈都咁话
人为财直情做牛做马 乜嘢都要揸冇办法啦
走去揸货车眼力太差 揸扫把扫街我又怕
揸鸟鎗解款碰著贼亚爸 唏吓到脚软叫阿妈 阿妈 阿妈
吓咁大个人仲要叫阿妈
叫阿妈唔俾咩 我钟意叫吖你吹咩唏
揸......揸......
揸结他唱歌我做唱家 唱到我索气都咁话
正当我主唱入神入化 听众掟碎我嘅结他
揸老板靓车我又刮花 我听炒兼俾老板话
去街市开档卖鹅卖鸭 揸菜刀杀鸡我又怕
揸个兜靠乞细路喊打 啲丐帮似足恶霸
揸两揸我都冇定去揸 我冇晒志气实听瓜
揸呢样又话唔得 揸嗰样又话唔得 唔鬼揸啦你同我揸啦唏
揸......揸......揸......