作词：潘一帆
作曲：古曲
唉 真个是天有网 我嘅罪无疆
一回忏悔 一断肠
谁叫我一念贪淫 今日招罪降
正系万恶淫为首 我错恋杏花香
可怜我大好家庭 竟是由我丧啊
上有慈祥父母 下有淑德妻房
怎料个娇俏嘅女佣 银姐引得我情放荡
记得我几回嚟挑逗佢 好比粉蝶怜香
嗰阵话妾爱又话郎情 真正系冤孽账
仲讲乜嘢共把风流享 所以我横刀夺爱
不惜辣手杀害佢嘅夫郎
到今日果报循环 逃不脱恢恢天网
唉想我就沙安伯 我做人就太过邋遢
我原本系有娇妻 何必做成咁鬼贱格
我恃住老窦系千总嘅大老爷 有好人唔做学古惑
阿妈佢纵到就我出骨 索嘢就全靠师爷帮我行策划
请著阿银姐嚟做我近身 点不知啱啱遇着呢嗰脂粉客
我用尽千方百计就去偷情 难怪人嗰老公梗系心胸狭
嗱淫人妻子梗系笑呵呵啦 不管果报循环我行暗杀
话杀人填命理本该 唉 我奉劝世人咪学我沙安伯
原来一举一动有鬼神知 点知瞒得世人唔呃得菩萨
做人要磊落就要光明 千祈唔好就学得我咁衰格
劝句就好青年 贪淫就会犯法
小则就影响前途 大则会将头杀
船到江心就补漏迟 须知所作所为都要负责
我父大义灭亲 绑子到公堂嚟认罪
佢甘愿毁灭那伦常 所谓慈母多败儿
只晓得惯养娇生 佢将我纵成咁放荡
我死不足悲 可怜闺中个淑妇
从此为我孀守 凄凉
唉 我人将死 都要忏前非
无奈等候嗰个无常 佢带我离世上
我奉劝世人千祈咪学坏 咪过学我如此收场