作词：佚名
作曲：古曲
盲人抱怨 丈人实太尖酸
悲歌意乱 伤心空叹目盲莫见天
于今经已月缺难圆 无言
红颜绿鬓偷自怨
佢为檀郎暗牵
芳心已倦 怎得天复见
我弹筝空诉愿
断了相思线
自叹惹下情爱缠绵
此生休再玉箫戏凤鸾
荼薇化春烟
韶华似飞箭
残破此生 寒灰一串
便是翠绕春光
任它变迁 任它变迁
修得再世愿
情天那边 情天那边
思忆并头莲
听琴音 知彼意
真怕佢低头无语
我更心似油煎
无可奈 强欢容
唯有解慰一番
亲把玄霜奉献
年哥 年哥
做乜你唔睬我呢
你乖乖哋饮咗碗药先啦 年哥
唔饮呢
哎 年哥 我又冇对你唔住
点解你要咁对我呢
云妹 你原谅我
我唔会好㗎啦
你唔好咁对我好唔好呀你
唉 玉人为我痴心盼团圆 难圆
婚姻未变迁
我细弹玉筝似怀念
妹因我 误华年
唯有暗自里悲酸
你若嫁此盲人
定抱终身怨
不该抗令尊
应该嫁大川 你莫为我打算
哎年哥 哎年哥
你去边呀 有冇撞亲你呀
哎吔 你唔好郁
我只眼好似睇到嘢啦㖞
你件衫系咪粉红色㗎
系呀
你只耳环系咪绿色㗎
系呀
哎吔 云妹
我见到嘢啦 云妹
哎吔 咁真系安乐晒囉 年哥
你双眼真系见到嘢啦
咁我真系谢天谢地咯
不枉朝朝暮拜 叩苍天
云雾拨开 拨开
重见那月团圆
中了淡扫娥眉愿
眼见云英偷偷笑呀
意呀意可坚
真心相爱就长作伴
我哋旧情有情梦也牵
鸳鸯不变
长住于乐园里
共结白头缘
妹你 妹你如月中仙
君也 君也貌翩翩
锦绣才华自有知音见
永心相爱怜
哎呀小姐呀
感恩深似 似天
睁开了眼见你玉容更娇艳
好似有情并蒂莲
嗱 望下对梁上燕 燕飞天
我此日光明重睹
更喜花好月圆