作词：佚名
作曲：古曲
唉冷得我腾腾震
真系震到入心
唉心酸我重发紧冷
乜好似脚软难行
乜点解行行又似觉
好似身不稳
点揾得到各位善长人翁
希望你做一点好心
心中嗟怨
都算系逢左个绝运
系我运蹇时乖
都不幸作了盲人
(施舍吓喇先生
可怜吓喇大姑 阴工咯)
唉正系人逢绝境都一定多哀感
我自己感怀身世都本想佢自轻生
一个人生生死死都本系无足恨
恨我心头仍挂我有位老父未归临
我记得佢临行佢对住我谆谆训
训示话揽过床头都算得父母恩
恩恩怨怨不敢把我娘记恨
恨佢恩将仇报
知我者惟有三尺
既灵神正系神鉴谅 我心
暗自告禀
哎呀天公得许父相见
话过今生死也无怨憾
我自甘委屈我自甘生作堕落人
呢佢对我虽黑心
知我对佢真恩深
我愿爹妈两相印
我愿爹妈休怒愤
我就为求庇荫 我就为求庇荫
今日误我呢一世祸起只谓系淫
唉我自嗟暗自还带恨
福心呢 好心呢
可怜吓呢个盲眼嘅乞儿仔呢
真饥饿囉 又凄凉呀哩
少奶先生有乜冷饭菜汁施舍吓喇
边个好心啦 打救吓呢个盲人
褔心更善心 你哋救苦就又救贫
我望求做点好心 还我贫共困
保佑你哋生意滔滔 一本就赚万金
保佑你哋长年富贵 都越舍还重有
我自叹今生不幸 真感激各位大贵人