作词：佚名
作曲：古曲
我昨晚去岸边四面瞧 哗见有个蜑家妹真娇俏
呖呖莺声频频嚟唤大少 佢嬲我去租艇戏浪潮
佢眼角猛丢 眼角猛丢 仲咪咪嘴咁笑
引到我神魂迷荡了 我企错脚差啲跌咗落桥
我赞句阿娇 好鬼正
佢掹鸡俏 掹得匀循
佢嘅折柳腰 廿四吋
真系呱呱叫 无得弹
喂喂我要呀共你去戏浪潮 你要嘅代价几多钞票
卒之倾埋佢话钱财唔重要 佢对我的确好关照
(唏阿太太 乜咁好死呀
你撑人哋去游船河又话要几百蚊个钟
同我又唔讲钱 不如咁啦 游完船河
我请你宵夜 跟住通宵直落呢)
(光哥仔 你又唔同㖞 你风流倜傥高大威猛嘅
同你去宵夜真系求之不得喇)
(系唔系嘅啫)
我与佢呀并肩戏浪潮 佢猛放啲生藕不得了
引到我神魂呀迷荡了 佢快快趣开艇搏命摇
畅快半宵 畅快半宵 心欢笑
转下眼船头红日照 乜到处嘅飞鸟吱喳叫
我细看下手表 (哗过晒钟架嗱)
哎吔吓得我一跳 (死火喇)
我叫佢阿娇 (快啲喇)
我返工紧要 (迟到架嗱)
你快快呀划我上木桥 佢叫声拜拜仲咪咪嘴咁笑
点不知我钱财畀佢扒尽了 气到我好似生虾咁跳