作词：潘一帆
作曲：潘一帆
担番口大雪茄咋 充生晒认系经理
捞世界就要醒目 我一于当玩把戏咋
著起西装革履 USA 欧西美
喂喂我实在无乜声气架 完全系靠滚
我全凭系棍番嚟
刚啱有只大鹧鸪 哗肥就确系肥
佢今晚仲约咗我去睇大戏
(鄙人尹光 讲起我就衰
乜都唔晓做 但系我有样嘢叻 我识得滚
哼哼 今次就畀我滚到一个靓女 佢叫做露丝㖞哈哈哈
犀利囉 打开个荷包 张张都系金牛㖞
今晚仲约咗我嚟睇大戏
好等我落足嘴头 钓返条大鱼至得)
老衬何妨要多揿 我都好少理嘞
猛抛啲生藕 系都要攞便宜
近日有只肥羊 佢话住响跑马地㖞
佢话佢响银行 自己揸大旗
(我个名叫做Lucy呀 为咗养阿妈就逼住出嚟揾食啦
又好彩今日畀我撞到银行大班经理㖞
仲约我今晚睇大戏添呀
哈唔知嚟咗未呢)
(哈囉Lucy)
(Hi 光哥)
(哗乜你咁耐先嚟架 等到我颈又长脚都痺咯)
(咁要扮靓啲先嚟见得你架嘛
点唧 我著件衫靓唔靓唧)
(哗 唔净止话件衫靓 你条腰仲靓呀)
哗你拧柳腰好似苏菲亚罗兰
又似嗰个宝烈吉妲
佛见到都会起大痰 啲花靓仔想到心烂
嫩坑中坑都无限 No money都一概斩缆
我系大阔佬 派架雪佛兰
袋美金起码几万
讲到伴女仔 好似加利格兰 心郁郁想锡一啖
慢慢吖 先生
我梗会办 饮杯先啦 兼吔餐饭
(睇完戏食饭都未迟 呢套戏好好睇架
你睇几逼人 等我买飞嘞)
(唉 等我买啦)
(等我啦 你张张金牛 人地无得赎架 我有廿蚊散纸吖嘛)
(噢 我识人呀 你畀廿蚊我等我买啦)
(好 好呀好呀)
(咁你等我囉噃)
(咁你快啲返嚟嘞㖞)
(我梗返嚟 唔驶慌嘞你)
(拜拜)
(拜拜)
(哗去成个几两个钟都未返嚟嘅 唔通光棍遇着无皮柴
惨嘞 我嗰廿皮 唉几大都揾佢返嚟至得)
(喂 仲唔揾到你 哈)
唏原来大棍骗 真激气 我差啲就比你气死
无谓乱碰我 真好笑嘞 我根本不识你噃
你想棍骗老千哥 胆包天不怕死咩
如若乱碰我 我高声嗌架 你嗰阵就一身蚁嘞
(你够胆嗌我打你架)
(哎吔咩唔敢呀非礼呀 非礼呀)
(你唔好嗌 怕你啦)
喂唔好嗌啦 唔好嗌
啲钱都比你滚清晒咯
嗰廿皮系我嘅挡箭牌 碰啱你个无皮柴
我就宁愿将肚饿挨 时时把万寿拜
无皮柴遇老千真气坏
真啱晒咯我哋天生一对
喂点解 你为何要扮企街唧
梗有理由 我为慈母逼要挨
唉我家阵个肚难挨
我带你回去医个肚皮
(系唔系呀)
咁就完全通晒咯
你真系良心不欺 良心不欺
行家真呀真知己
我又何必相欺啫 何必相欺
行家总要通气
撞得真正嘥心机
棍骗本来系犯法事
系呀 一于回头不干 我哋结知己啦
愿大家结好知己
莫非你对我有真情义
我哋同谐鸳侣 你同我画眼眉
(好呀)
一于同谐鸳侣 相爱不相欺