作词：黄伟文
作曲：蔡一智
编曲：Chinese
监制：蔡一智
我系一个发育健全嘅女人
需要各种营养嘅平衡
男人 新衫 现金加约会
零食 珠宝 护肤品
运动 工作 交友再旅行
购物 娱乐 见男人
SORRY SORRY 我系咪数咗两次“男人”？
虽然系咁 爱情我都未算好着紧
(我吃 我恋上热量)
今日我嚟教大家整甜品
首先用滚水冲开Expresso粉
再摆啲Lady Fingers落去 浸到“林”
另一方面 将啲蛋白搅一阵
起泡就加啲Kalua再搅匀
最后两样倒埋一齐整到一层层
恭喜你 咁就完成咗个Tiramisu
一个世界驰名嘅意大利甜品
你系一个发育健全嘅女人
所以呢个时候你有嘢想问
无端端 整甜品 系咪手痕
抑或教你两招等你氹情人
SORRY SORRY 各位等等
女人最好嘅嘢唔系一定要同男人分
整个甜品 锡吓自己当奖品
边个话爱嚟留住佢个心
(我买 我拥有力量 让心愿能偿)
有时返到屋企都觉得有啲晕
因为买到成屋杂物无“订”趸
于是惟有出街shopping散散心
这就是我们购物狂的命运
你问我做乜买咗六条一样嘅裙
你当我无用脑 其实我都有谂
漆皮真丝 横纹直纹 长裙短裙迷你裙
绑带拖鞋 平底高跟 唇膏胭脂干湿粉
翻炒 再翻炒 再翻炒 系我哋 嘅一生
只得舖头永远 有新到货品
小学都有教 人类系一个社群
要相亲相爱 咁先至够高等
既然平时唔准独断独行
唯一呢个时候 我觉得唔驶靠人
唯一呢个时候 我可以全权负责任
唯一呢个时候 我真正凭良心
(我吃 我恋上热量 幸福又平常
谁又说 没理想
我买 我拥有力量 .............)
(唔该 excuse me 可唔可以攞嗰件大褛俾我睇吓
SORRY 唔系呢件呀 系隔篱有草莓同CREAM系上面嗰件 thank you
唔系呢件呀 系隔篱有草莓同CREAM系上面嗰件 唔该 ...........)
我系一个发育健全嘅女人
有乜伤心 自己识得做医生
以前有事只系可以唸经文
而家仲有3个字：食．买．瞓
买得多咗最多忍一阵
食得多咗去GYM修吓身
只系担心瞓得太多有空虚感
忽然好想身边有个人
(我吃 我恋上热量 幸福又平常
谁又说没理想
我买 我拥有力量 让心愿能偿
付账单令我舒畅)
我系一个发育健全嘅女人
不过有时失惊无神发忟憎
以下呢句 你当我鬼拍后尾枕
我有时会谂：系咪真系要返个男人？
男人 ...... 唉 ~ (叹气) 唉 ~