作词：蔡湘宜
作曲：江雯
做一个一流总舖师
算袂清多济手路菜
山珍佮海味真澎派 呷了会涮嘴通人知
上内行主顾阮太太 别人的口味伊无爱
哈尼的轻重我上知 你看伊遐塞奶对我崇拜
我就是爱妻总舖师 出名熬煮菜
缘投漂撇疼某得金牌
我就是爱妻总舖师 料理通人爱
毋信你呷看觅咿哎咿哎咿哎咿哎
试了你就知
------------------------------------------
12148/《爱妻总舖师》Ài Tshe Tsóng-phòo-sai
陈随意Tân Suî-ì
做一个一流总舖师
tsuè tsi̍t-ê it-liû tsóng-phòo-sai
算袂清偌济手路菜
sǹg buē-tshing guā-tsuē tshiú-lōo-tshài
山珍佮海味真丰沛
san-tin kah hái-bī tsin phong-phài
食了会绁喙通人知
tsia̍h liáu ē suà-tshuì thong-lâng tsai
上内行主顾阮太太
siōng lāi-hâng tsú-kòo gún thài-thài
别人的口味伊无爱
pa̍t-lâng ê kháu-bī i bô-ài
Honey的轻重我上知
há-nih ê khin-tāng guá siōng tsai
你看伊遐司奶
lí khuànn i hiah sai-nai
对我崇拜
tuì guá tsông-pài
我就是爱妻总舖师
guá tiō-sī ài tshe tsóng-phòo-sai
出名𠢕煮菜
tshut-miâ gâu tsú-tshài
缘投飘撇
iân-tâu phiau-phiat
疼某著金牌
thiànn bóo tio̍h kim-pâi
我就是爱妻总舖师
guá tiō-sī ài tshe tsóng-phòo-sai
料理通人爱
liāu-lí thong-lâng ài
毋信你食看觅
m̄ sìn lí tsia̍h khuànn-māi
啊咿啊咿啊咿啊
ah-ih ah-ih ah-ih-ah
啊试了你就知
ah tshì liáu lí tiō tsai