作词：陈达儒
作曲：苏桐
姊妹迎春美丽等春梦 无疑无误意爱同一人
今日将爱甘愿对妹送 不甘害妹破害好花丛
姊妹花蕊本来同根枝 蝴蝶害人运命不公平
世间至亲是阮妹甲姊 不甘害妹耽误青春时
姊妹青春虽然无二摆 为妹害姊怎样结将来
请你放心照阮的交代 大来让小这是合应该
《姊妹爱》Tsí-muē Ài
凤飞飞Hōng Hui-hui
姊妹迎春美丽等春梦
tsí-muē gîng-tshun bí-lē tán tshun-bāng
无疑无误意爱仝一人
bô-gî bô-gōo ì-ài kāng tsi̍t-lâng
今日将爱甘愿对妹送
kim-ji̍t tsiong ài kam-guān tuì muē sàng
毋甘害妹破害好花欉
m̄-kam hāi muē phò-hāi hó hue-tsâng
姊妹花蕊本来仝根枝
tsí-muē hue-luí pún-lâi kāng kin-ki
蝴蝶害人运命无公平
ôo-tia̍p hāi lâng ūn-miā bô kong-pînn
世间至亲是阮妹佮姊
sè-kan tsì-tshin sī gún muē kah tsí
毋甘害妹耽误青春时
m̄-kam hāi muē tam-gōo tshing-tshun sî
姊妹青春虽然无两摆
tsí-muē tshing-tshun sui-jiân bô nn̄g-pái
为妹害姊怎样结将来
uī muē hāi tsí tsuánn-iūnn kiat tsiong-lâi
请你放心照阮的交代
tshiánn lí hòng-sim tsiàu gún ê kau-tài
大来让细这是合应该
tuā lâi niū sè tse sī ha̍p ìng-kai