未当放开的情 使人心头烦
你到底有啥吸引我，乎我这呒甘
明明知影你是假、有无我拢无差
量早结束较归气，嘛免相怨叹
想欲加你过归世人，嘛想欲要你痛疼
对你一片真心真意，得到是无半项
世间查埔叨一个，亲像你同款
明明对我无认真，乎我搁全希望
离开无奈的过去，打开心内的窗
放弃无情无义的你，一切拢变成空
希望你会当了解，我已经变无同
因为我已经看破，这个无可能的梦
------------------------------------------
10293/《拍开心内的窗》Phah-khui Sim-lāi ê Thang
曾心梅Tsan Sim-muî
袂当放开的情
buē-tàng pàng--khui ê tsîng
使人心头烦
sú-lâng sim-thâu huân
你到底有啥吸引我
lí tàu-té ū siánn khip-ín guá
予我遮毋甘
hōo guá tsiah m̄-kam
明明知影你是假
bîng-bîng tsai-iánn lí sī ké
有无我拢无差
ū bô guá lóng bô-tsha
冗早结束较规气
liōng-tsá kiat-sok khah kui-khì
嘛免伤怨叹
mā bián siunn uàn-thàn
想欲佮你过规世人
siūnn-beh kah lí kuè kui-sì-lâng
嘛想欲爱你疼痛
mā siūnn-beh ài lí thiànn-thàng
对你一片真心真意
tuì lí it-phiàn tsin-sim tsin-ì
得着是无半项
tit--tio̍h sī bô-puànn-hāng
世间查埔佗一个
sè-kan tsa-poo tó tsi̍t-ê
亲像你仝款
tshin-tshiūnn lí kāng-khuán
明明对我无认真
bîng-bîng tuì guá bô jīn-tsin
予我阁全希望
hōo guá koh tsuân hi-bāng
离开无奈的过去
lī-khui bô-nāi ê kuè-khì
拍开心内的窗
phah-khui sim-lāi ê thang
放弃无情无义的你
hòng-khì bô-tsîng-bô-gī ê lí
一切拢变成空
it-tshè lóng piàn-sîng khang
希望你会当了解
hi-bāng lí ē-tàng liáu-kái
我已经变无仝
guá í-king piàn bô-kāng
因为我已经看破
in-uī guá í-king khuànn-phuà
这个无可能的梦
tsit ê bô-khó-lîng ê bāng