16842/《少年心》Siàu-liân Sim
洪荣宏Âng Îng-hông
是无情的风
sī bô-tsîng ê hong
吹澹阮的理想
tshue tâm gún ê lí-sióng
规暝毋敢想起故乡
kui-mî m̄-kánn siūnn-khí kòo-hiong
彼时骄傲的笑容
hit-sî kiau-ngōo ê tshiò-iông
实在是勉强
si̍t-tsāi sī bián-kióng
恨无人来阻挡
hūn bô-lâng lâi tsóo-tòng
少年心懵懂
siàu-liân sim bóng-tóng
一切不在眼中
it-tshè put tsāi gán-tiong
世间无人比我较勇
sè-kan bô-lâng pí guá khah ióng
如今怨叹戆
jû-kim uàn-thàn gōng
心事渺渺茫茫
sim-sū biáu-biáu bông-bông
毋敢开门对秋风
m̄-kánn khui-mn̂g tuì tshiu-hong
爱又惊受伤
ài iū kiann siū-siong
思念伊阁毋愿讲
su-liām i koh m̄-guān kóng
先天就是个性倔强
sian-thian tiō-sī kò-sìng ku̍t-kiông
男人立志在四方
lâm-jî li̍p-tsì tsāi sù-hong
天生逞英雄
thian-sing thíng ing-hiông
目屎滴落梦中
ba̍k-sái tih lo̍h bāng-tiong
少年心冲动
siàu-liân sim tshiong-tōng
寂寞当做平常
tsi̍k-bo̍k tòng-tsuè pîng-siông
哪知每日空思梦想
ná tsai muí-ji̍t khang-su bāng-sióng
回头红灯路
huê-thâu âng-ting lōo
一片云烟茫茫
tsi̍t-phiàn hûn-ian bâng-bâng
只有哀怨的秋风
tsí-ū ai-uàn ê tshiu-hong
少年心懵懂
siàu-liân sim bóng-tóng
一切不在眼中
it-tshè put-tsāi gán-tiong
世间无人比我较勇
sè-kan bô-lâng pí guá khah ióng
如今怨叹戆
jû-kim uàn-thàn gōng
心事渺渺茫茫
sim-sū biáu-biáu bông-bông
毋敢开门对秋风
m̄-kánn khui-mn̂g tuì tshiu-hong