作词：洪荣宏/许献堂
作曲：洪荣宏/许献堂
送你送到车头前 引阮一时心未清
望你出外爱保重 事事项项爱提防
人心的险恶亲像春天的天气
反面无常 实在乎人想未到
你千万爱忍耐 不通意气来冲动
人情义理劝心中 期待早日回故乡
出门在外 甲店置的厝内是无同款
凡事爱小心爱忍耐 做一个端正的人
我时时也祝福你 望你平安快乐
车站一站过一站 离别的心情真呒甘
忍着痛疼展笑容 送你千里吗无路用
------------------------------------------
10239/《望你出外爱保重》Bāng Lí Tshut-guā Ài Pó-tiōng
洪荣宏Âng Îng-hông
送你送到车头前
sàng lí sàng kàu tshia-thâu tsîng
引阮一时心袂清
ín gún tsi̍t-sî sim buē-tshing
望你出外爱保重
bāng lí tshut-guā ài pó-tiōng
事事项项爱提防
sū-sū-hāng-hāng ài thê-hông
人心的险恶
jîn-sim ê hiám-ok
亲像春天的天气
tshin-tshiūnn tshun-thinn ê thinn-khì
反面无常
huán-bīn bû-siông
实在予人想袂到
si̍t-tsāi hōo-lâng siūnn buē-kàu
你千万爱忍耐
lí tshian-bān ài jím-nāi
毋通意气来冲动
m̄-thang ì-khì lâi tshiong-tōng
人情义理囥心中
jîn-tsîng gī-lí khǹg sim-tiong
期待早日回故乡
kî-thāi tsá-ji̍t huê kòo-hiong
↓↓---(口白)---↓↓
出门在外
tshut-mn̂g tsāi-guā
佮踮伫咧厝内
kah tiàm tī-leh lán tshù-lāi
是无仝款
sī bô kāng-khuán
凡事爱小心爱忍耐
huân-sū ài sió-sim ài jím-nāi
做一个端正的人
tsuè tsi̍t-ê tuan-tsiànn ê lâng
我时时也祝福你
guá sî-sî iā tsiok-hok lí
望你平安快乐
bāng lí pîng-an khuài-lo̍k
↑↑---(口白)---↑↑
车站一站过一站
tshia-tsām tsi̍t-tsām kuè tsi̍t-tsām
离别的心情真毋甘
lî-pia̍t ê sim-tsîng tsin m̄-kam
忍着痛疼展笑容
jím tio̍h thàng-thiànn tián tshiò-iông
送你千里嘛无路用
sàng lí tshian-lí mā bô-lōo-iōng
人心的险恶
jîn-sim ê hiám-ok
亲像春天的天气
tshin-tshiūnn tshun-thinn ê thinn-khì
反面无常
huán-bīn bû-siông
实在予人想袂到
si̍t-tsāi hōo-lâng siūnn buē-kàu
你千万爱忍耐
lí tshian-bān ài jím-nāi
毋通意气来冲动
m̄-thang ì-khì lâi tshiong-tōng
人情义理囥心中
jîn-tsîng gī-lí khǹg sim-tiong
期待早日回故乡
kî-thāi tsá-ji̍t huê kòo-hiong