作词：洪荣宏
作曲：洪一峰/洪荣宏
编曲：洪敬尧/洪荣宏
想起著 遥远的故乡 我的心强欲飞出去
彼条溪仔边浮出著一对 鸳鸯置些玩水真欢喜
阮细汉 到阵的朋友 今嘛甘有搁在读书 阿嬷妳有勇健呒
啊 表妹你甘有嫁人 祝福恁过著好生活
黄昏的 故乡真正美 我的心酸酸又甜甜
隔壁彼间厝时常听见着 阿公惦彼唱歌块跳舞
阮细汉 到阵的朋友 同齐骑着铁马读书 啊 想着真快乐
阿何时通好来见面 倒返去可爱的故乡
有一日 月娘真正圆 我的妹妹认真欣赏它
她真欢喜讲今暝的月娘真美 后来才知是一葩电火
阮细汉 到阵的朋友 今嘛甘有交女朋友 啊 经过这多年
啊 思念故乡的一切 难忘可爱我的故乡
9437/《我的故乡》Guá ê Kòo-hiong
洪荣宏Âng Îng-hông
想起著遥远的故乡
siūnn-khí tio̍h iâu-uán ê kòo-hiong
我的心强欲飞出去
guá ê sim kiōng-beh pue--tshut-khì
彼条溪仔边
hit tiâu khue-á-pinn
浮出著一对鸳鸯
phû-tshut tio̍h tsi̍t-tuì uan-iunn
伫遮耍水真欢喜
tī tsia sńg-tsuí tsin huann-hí
阮细汉斗阵的朋友
gún suè-hàn tàu-tīn ê pîng-iú
这马敢有阁咧读书
tsit-má kám ū koh teh tha̍k-tsu
阿妈你有勇健无
a-má lí ū ióng-kiānn--bô
啊~表妹你敢有嫁人
ah~ piáu-muē lí kám ū kè--lâng
祝福恁过著好生活
tsiok-hok lín kuè tio̍h hó sing-ua̍h
黄昏的故乡真正媠
hông-hun ê kòo-hiong tsin-tsiànn suí
我的心酸酸又甜甜
guá ê sim sng-sng iū tinn-tinn
隔壁彼间厝
keh-piah hit king tshù
时常听见着
sî-siông thiann-kìnn tio̍h
阿公踮遐唱歌咧跳舞
a-kong tiàm hia tshiùnn-kua teh thiàu-bú
阮细汉斗阵的朋友
gún suè-hàn tàu-tīn ê pîng-iú
同齐骑着铁马读书
tâng-tsê khiâ tio̍h thih-bé tha̍k-tsu
啊~想着真快乐
ah~ siūnn tio̍h tsin khuài-lo̍k
啊~何时通好来见面
ah~ hô-sî thang-hó lâi kìnn-bīn
倒转去可爱的故乡
tò-tńg-khì khó-ài ê kòo-hiong
有一日月娘真正圆
ū-tsi̍t-ji̍t gue̍h-niû tsin-tsiànn înn
我的妹妹认真欣赏伊
guá ê muē-muē jīn-tsin him-sióng i
伊真欢喜讲
i tsin huann-hí kóng
今暝的月娘真媠
kim-mî ê gue̍h-niû tsin suí
后来才知是一葩电火
āu--lâi tsiah tsai sī tsi̍t-pha tiān-hué
阮细汉斗阵的朋友
gún suè-hàn tàu-tīn ê pîng-iú
这马敢有交女朋友
tsit-má kám ū kau lú-pîng-iú
啊~经过遮济年
ah~ king-kuè tsiah tsē nî
啊~思念故乡的一切
ah~ su-liām kòo-hiong ê it-tshè
难忘可爱我的故乡
lân-bōng khó-ài guá ê kòo-hiong