作词：洪理夫/洪荣宏
作曲：洪一峰
春风冷冷对面吹 想起故乡彼朵花
你的生活怎样过 乎阮烦恼暇呢多
为何拢无伊的批 害我每日等电话
找无飞机通好坐 赶紧要甲伊作伙
一朵花一朵花 呀不知何时 何时再相会
举头看着半屏月 想起故乡彼朵花
相思亲像相欠债 逼阮逼甲憨憨旋
时钟无奈闹归暝 落叶可怜四界飞
谁人陪阮饮一杯 只有窗外的灯火
一朵花一朵花 呀痴情像我 世间没几个
为何拢无伊的批 害我每日等电话
找无飞机通好坐 赶紧要甲伊作伙
一朵花一朵花 呀不知何时 何时再相会
9480/《故乡一蕊花》Kòo-hiong Tsi̍t-luí Hue
洪荣宏Âng Îng-hông
春风冷冷对面吹
tshun-hong líng-líng tuì bīn tshue
想起故乡彼蕊花
siūnn-khí kòo-hiong hit luí hue
你的生活怎样过
lí ê sing-ua̍h tsuánn-iūnn kuè
予阮烦恼遐尔济
hōo gún huân-ló hiah-nī tsuē
为何拢无伊的批
uī-hô lóng bô i ê phue
害我每日等电话
hāi guá muí-ji̍t tán tiān-uē
揣无飞机通好坐
tshuē-bô hui-ki thang-hó tsē
赶紧欲佮伊做伙
kuánn-kín beh kah i tsuè-hué
一蕊花一蕊花
tsi̍t-luí hue tsi̍t-luí hue
啊~毋知何时
ah~ m̄-tsai hô-sî
何时再相会
hô-sî tsài siong-huē
攑头看着半爿月
gia̍h-thâu khuànn-tio̍h puànn-pîng gue̍h
想起故乡彼蕊花
siūnn-khí kòo-hiong hit luí hue
相思亲像相欠债
siunn-si tshin-tshiūnn sio-khiàm-tsè
逼阮逼甲戆戆踅
pik gún pik kah gōng-gōng se̍h
时钟无奈闹规暝
sî-tsing bô-nāi nāu kui-mê
落叶可怜四界飞
lo̍h-hio̍h khó-liân sì-kè pue
啥人陪阮啉一杯
siánn-lâng puê gún lim tsi̍t-pue
只有窗外的灯火
tsí-ū thang-guā ê ting-hué
一蕊花一蕊花
tsi̍t-luí hue tsi̍t-luí hue
啊~痴情像我
ah~ tshi-tsîng tshiūnn guá
世间无几个
sè-kan bô kuí ê