作词：叶俊麟
一蕊白茉莉真清香 今日想要提来送乎心爱的人
沿路春风真温柔 引阮心跳弄
像阮为著歹环境 甘愿出来做女工
伊若了解女性的纯情心 以外无望
一蕊白茉莉正当开 总有蝴蝶心也茫茫飞来做堆
无人会知阮怎样 暗中流珠泪
做人女儿真不甘 爸爸为阮来拖累
望伊身体暝连日勇健健 大细心花开
一蕊白茉莉心情幽 沿路顺风摇摇弄弄 无忧无愁
到底谁人无希望 快乐心自由
阮没怨恨歹环境 只为前途来担忧
伊若了解女性的纯情心 花蕊请你收
《孝女的愿望》Hàu-lú ê Guān-bōng
陈芬兰 Tân Hun-lân
一蕊白茉莉真清芳
tsi̍t-luí pe̍h-ba̍k-nī tsin tshing-phang
今日想欲提来
kim-ji̍t siūnn-beh the̍h-lâi
送予心爱的人
sàng hōo sim-ài ê lâng
沿路春风真温柔
iân-lōo tshun-hong tsin un-jiû
引阮心跳弄
ín gún sim thiàu-lāng
像阮为著歹环境
tshiūnn gún uī-tio̍h pháinn khuân-kíng
甘愿出来做女工
kam-guān tshut-lâi tsuè lú-kang
伊若了解女性的纯情心
i nā liáu-kái lú-sìng ê sûn-tsîng-sim
以外无希望
í-guā bô hi-bāng
一蕊白茉莉正当开
tsi̍t-luí pe̍h-ba̍k-nī tsiànn tng-khui
总有蝴蝶心也茫茫
tsóng-ū ôo-tia̍p sim iā bâng-bâng
飞来做堆
pue lâi tsuè-tui
无人会知阮怎样
bô-lâng ē tsai gún tsuánn-iūnn
暗中流珠泪
àm-tiong lâu tsu-luī
做人女儿真毋甘
tsuè lâng lú-jî tsin m̄-kam
爸爸为阮来拖累
pa--pah uī gún lâi thua-luī
望伊身体
bāng i sin-thé
暝连日勇健健
mî liân ji̍t ióng kiānn-kiānn
大细心花开
tuā-suè sim-hue khui
一蕊白茉莉心情幽
tsi̍t-luí pe̍h-ba̍k-nī sim-tsîng iu
沿路顺风
iân-lōo sūn-hong
摇摇弄弄无忧无愁
iô-iô lāng-lāng bô-iu bô-tshiû
到底啥人无希望
tàu-tué siánn-lâng bô hi-bāng
快乐心自由
khuài-lo̍k sim tsū-iû
阮无怨恨歹环境
guán bô uàn-hūn pháinn khuân-kíng
只为前途来担忧
tsí uī tsiân-tôo lâi tam-iu
你若了解女性的纯情心
lí nā liáu-kái lú-sìng ê sûn-tsîng-sim
花蕊请你收
hue-luí tshiánn lí siu