《上好莫天光》Siōng-hó Mài Thinn-kng
廖大森Liāu Tāi-sim
茫茫夜雾罩满天
bâng-bâng iā-bū tà muá-thinn
敢有可能袂散去
kám ū khó-lîng buē suànn--khì
戆戆仔坐伫窗仔边
gōng-gōng-á tsē tī thang-á-pinn
目睭金金看着你
ba̍k-tsiu kim-kim khuànn-tio̍h lí
千言万语怎讲起
tshian-giân bān-gí tsuánn kóng-khí
你的心内只有伊
lí ê sim-lāi tsí-ū i
离别的时刻遮接近
lî-pia̍t ê sî-khik tsiah tsiap-kīn
我也毋甘责备你
guá iā m̄-kam tsik-pī lí
上好莫天光
siōng-hó mài thinn-kng
上好天顶罩乌云
siōng-hó thinn-tíng tà oo-hûn
上好莫天光
siōng-hó mài thinn-kng
大雨一阵阁一阵
tuā-hōo tsi̍t-tsūn koh tsi̍t-tsūn
戆心肝歹按算
gōng sim-kuann pháinn àn-sǹg
你犹原爱出门
lí iu-guân ài tshut-mn̂g
这款的难题啊
tsit khuán ê lân-tê--ah
共啥人来问
kā siánn-lâng lâi mn̄g
上好莫天光
siōng-hó mài thinn-kng
上好日头走去困
siōng-hó ji̍t-thâu tsáu-khì khùn
上好莫天光
siōng-hó mài thinn-kng
路灯袂记来照光
lōo-ting buē-kì lâi tsiò-kng
痴情人想袂到
tshi-tsîng-lâng siūnn buē-kàu
全心疼惜全无效
tsuân-sim thiànn-sioh tsuân bô-hāu
这款的结果啊
tsit khuán ê kiat-kó--ah
谁讲幸福袂来走
siáng kóng hīng-hok buē lâi tsáu