只剩我一个人 站置车街路边
茫茫露踏着路灯 照着我冷清清
找无着你的人 看未着你的心
无讲一声就离开 无挂念阮的伤心
既然你有意中人 请你早表明
呒通惹阮寂寞心 虽然总是看袂清 你是假爱情
阮也是爱你 爱甲这呢深 初恋的爱情尚盖真
你呒通 呒通 惹阮寂寞心
------------------------------------------
13185/《毋通惹我寂寞心》M̄-thang Jiá Guá Tsi̍k-bo̍k Sim
詹曼铃Tsiam Bān-lîng
只䞐我一个人
tsí tshun guá tsi̍t-ê-lâng
徛伫遮街路边
khiā tī tsia ke-lōo pinn
雺雾罩着路灯
bông-bū tà tio̍h lōo-ting
照着我冷清清
tsiò tio̍h guá líng-tshing-tshing
揣无着你的人
tshuē-bô tio̍h lí ê lâng
看袂着你的心
khuànn buē-tio̍h lí ê sim
无讲一声
bô kóng--tsi̍t-siann
就离开
tiō lī-khui
无挂念阮会伤心
bô kuà-liām gún ē siong-sim
既然你有意中人
kì-jiân lí ū ì-tiong-jîn
请你早表明
tshiánn lí tsá piáu-bîng
毋通惹阮寂寞心
m̄-thang jiá gún tsi̍k-bo̍k sim
虽然总是看袂清
sui-jiân tsóng-sī khuànn bē-tshing
你是假爱情
lí sī ké ài-tsîng
阮也是爱你
gún iā-sī ài lí
爱甲遮尔深
ài kah tsiah-nī tshim
初恋的爱情
tshoo-luân ê ài-tsîng
上盖真
siōng-kài tsin
你毋通毋通
lí m̄-thang m̄-thang
惹阮寂寞心
jiá gún tsi̍k-bo̍k sim