作词：伍炯豪
作曲：简雅珊
母亲花开伫田园边 风吹来笑微微
孤单流浪的白鹭鸶 想欲飞去妳身边
这种思念的香味 我永远 放袂记
亲像故乡的名字 时时叫我倒转去
母亲花 花开的时阵 我拢会来想起妳
妳是上帝赏赐我 永远疼痛的恩惠
时间是 无情的流水 将咱隔离来分开
我知影总有一日 咱欲搁来相见面
母亲花开伫心内面 越头看路稀微
妳的形影点点滴滴 予我想起囝仔时
妳的鼓励佮安慰 这款无名的滋味
伫暗暝对我闪闪炽炽 Orange Daylily
母亲花 花开的时阵 我拢会来想起妳
妳是上帝祝福我 永远看顾的表示
妳是我 上媠的花蕊 亦是一生的甜蜜
妳是我 我生命中 永远的Orange Daylily
母亲花开伫心内面 我永远思念妳