11297/《温泉乡的恋歌》Un-tsuânn-hiong ê Luân-kua
七郎Tshit-lông
阵阵云烟飘过山
tsūn-tsūn hûn-ian phiau kuè suann
山跤溪水出温泉
suann-kha khe-tsuí tshut un-tsuânn
咱来弹著吉他
lán lâi tuânn tio̍h gì-tah
唱出彼条熟似的歌声
tshiùnn-tshut hit tiâu si̍k-sāi ê kua-siann
温泉乡的恋歌
un-tsuânn-hiong ê luân-kua
昔日的恋梦
sik-ji̍t ê luân-bāng
有你佮我
ū lí kah guá
好亲像鸳鸯水鸭
hó-tshin-tshiūnn uan-iunn tsuí-ah
无疑误温泉洗一半
bô-gî-gōo un-tsuânn sé tsi̍t-puànn
你煞来离开我
lí suah lâi lī-khui guá
咱的感情
lán ê kám-tsîng
亲像煮无熟的鸡卵
tshin-tshiūnn tsú bô-si̍k ê ke-nn̄g
又阁来拍破
iū-koh lâi phah-phuà
碎糊糊
tshuì-kôo-kôo
无奈心情
bô-nāi sim-tsîng
阁再唱着
koh-tsài tshiùnn tio̍h
温泉乡的恋歌
un-tsuânn-hiong ê luân-kua
↓↓---(伴唱，《温泉乡的吉他》引用)---↓↓
弹彼条悲情恋歌
tuânn hit tiâu pi-tsîng luân-kua
流浪到这位
liû-lōng kàu tsit-uī
月娘已经浮上山
gue̍h-niû í-king phû tsiūnn-suann
伴阮咧吐气
phuānn gún teh thóo-khuì
↑↑---(伴唱，《温泉乡的吉他》引用---↑↑