作词：MastaMic
作曲：Big Sammy
编曲：Big Sammy．DJ Galaxy
监制：DJ Galaxy．Big Sammy．MastaMic
又话今年系世界末日
20121221有惊无险俾我符碌过骨
几惊今年我无命做Rap Up
好彩仲有命Rap得睇吓今年又会Rap乜
免费电视牌照 政府就系唔俾
维基解密都解唔开 维基点维皮
一品花雕鸡 食完有片睇
最咀刁 嘅老细 有片都唔肯放出嚟
一世流流长 总会爱上几个人渣
春娇与志明 爱上人渣创票房神话
刘公子著Givenchy去打官司
佢话佢影相系影意念 唔系影body
谦仔杨枱断正玩车震
解释籍口竟然系杨枱食云吞
明哥演唱会头顶阳具帽
脚踏红馆出柜认我系基佬
出柜何韵诗 佢系劳斯
咁边个系痴情司嘅莱斯
成龙大哥话要管制游行
我话要管先管制你五毛党脑残口吻
边个话靓仔有钱专一有美满婚姻
你睇下黎天王都要同Gaile离婚
师兄今年 情场事业两得意
恭喜脏话阿七上榜又追到祖儿
一班中女加两件人生教练
系盛女爱作战定系盛女爱作贱
红遍全球有PSY OPPA 江南Style
听过不如听吓我嘅 RAPPA 艰难Style
亚视系最具娱乐性电视频道
王征系政总骑呢跳骑呢骑马舞
大陆台庆 show 得一两成观众系度
唔上洗脑堂 你即炒就无得捞
跟住一齐shout 亚州 亚州
坦白讲只rap改到衰到无朋友
大家跟我一齐shout 亚州 亚州
亚州 收手 收手 亚州
赵世曾为爱女用5亿招婿
如果唔介意赵生不如考虑吓马米
我都想似K- Chek咁识吓 Shiga
人做Rapper我做Rapper我真系丢架
我都想似冬欣有好多好多钱
食好多好多好多好多好多软雪糕
我仲好想好想好想好想打俾你
请你同我呢个好古怪嘅叔叔跳part古怪舞
讲Fashion Rick Owen 梗系要揾柏豪
打碎玻璃杯柏豪15钟变大文豪
Lady GaGa又名呢啲飞加价
3万一张飞炒到天价贵过豪宅尺价
YY Show今年系乐坛盛事
靓人靓衫靓歌个个乐坛VIP
陈七好哋哋香港华人第一中锋
戥佢心痛为咗个窿无咗份工
向西村上春树本一路向西
由网络红到大银幕 文字变立体
机机乐架飞机即将起飞
急急短信机司LuLu帮佢起机
儿歌天后purple太离谱
工人床系马桶上面太唔人道
龙心人网公然非礼仙乐都
成条video系度今舖你扮懵都甩唔到
高登仔话不知道陈伟霆是谁
秋生哥都话而我不知道罗志祥是谁
无知嘅林以诺牧师话同性恋系犯罪
恶魔化同性恋 佢系宗教纠察队
香港一人一票选港姐已经有
唉 唔知几时一人一票选特首
刘翔一跨即仆缘尽奥运
昔日嘅芵雄今日惨变罪人
李慧诗伦奥嘅零的突破
证明屋邨长大努力一样有好成果
唔俾港人影相国际大牌 D&G
北京孔庆东教授话港人DOG
今年中港矛盾由呢两件事开始
一发不可收拾越嚟越大件事
蝗虫内地炒家自由行
商场地铁遍地黄金
内地人抢奶粉双非孕妇横行
上水变水货中心香港市民百上加斤
我明白香港基层民不聊生
但歧视唔应该系香港发生
始终蝗虫只占内地人一小部份
记住中国人永远不打中国人
占领唔只系我同关楚耀一只歌
系一个摧毁权势运动需要你同我
学民黄之锋大战国民小先锋
12万身穿黑衫市民占领政总
牛柳过百蚊斤时菜一斤十几蚊
大家乐烧鹅饭卖得贵过镛记吓死人
仲有港女话结婚人情要多过500蚊
你话打工仔份人工边够养屋企人
镛记争产 郭家争产
我估佢哋阿爸知道肯定死咗都激番生
所以李超人 醒目众目睽睽分身家
唔怕两兄弟以后为争产有官司打
A&F 嚟咗100个大只仔
其实唔明点解 唔请出名大只嘅马米
反对网络廿三条我哋愤怒了
连网上言论自由都禁止发表
缉毒犬Honey被遗弃差啲瞓棺材
校方一句合约完结就置身事外
香港胶灾中石化胶粒意外跌落海
好彩市民自发团结起来清理胶灾
DR医学美容毒针照样毒死人
杜sir下部戏唔拍夺命金不如拍夺命针
南丫十一海难39人死惨绝人懁
国庆烟花嘅慛灿照亮唔到人间
七色彩虹旗同志大游行
DBC因股东争执惨被封杀
大班话事实上政治打压
李旺阳 坐21年政治监
慨叹佢话砍头也不回头 结果一语成签
人民力量拉布拉足10几日
结果主席剪布宣布拉布完毕
特首要龙定系要猪
东方之珠要赢龙猪就一定要输
但系小圈子投票市民无得参与
结果边个赢香港都后果堪虞
唐唐话男人要有膊头有腰骨
感情缺失 课外活动被爆私生子秘密
消失的密室要老婆出面承担过失
我话唐唐你有条消失的腰骨
梁振英 你呃人 你无品
你参选时讲僭健你无份
最后发现6处僭建 你讲到自己无责任
僭建封咗就系唔存在个答案够创新
立法会选举建制派大胜
全靠佢哋配票绝顶精密准绳
贪心许仕仁 贪心害市民
廉洁嘅形象统统系 呃人
我想问政府中仲有几多丑闻
最贪心嘅官员竟然系姓曾
贪心嘅贪曾 越贪越深
官商勾结贪心就系原因
俗语有云贪字得个贫
被踢爆嘅贪曾最后要喊住离任
麦齐光做局长12日被人拉咗
呃租金津贴都系贪心惹的祸
一子错 满盘皆落索自食其果
但下个局长陈茂波一样唔好得几多
陈茂波绰号挨闹的波儿
经营㓥房嘅醉驾局长最可耻
㓥房局长一做错事学佢波士
出事系老婆公司事件事唔关自己事
林奋强涉嫌偷步卖楼
衰咗又系揾老婆出头
究竟呢个政府系边个为首
所有人出事都系要太太认头
七年磨一剑 我终于推出专辑
流行反击战 唔听保证系你消息
记实2013年3月30
我哋7年嘅梦呢一曰变成现实