主唱：MastaMic
作词：MastaMic
作曲：MastaMic
编曲：MastaMic
监制：Big Sammy．INK
唔使心急 又到10 Rap Up
全香港市民都想知我今年会 rap乜
有明星打嚟问我唔 rap 佢得唔得
你估我答乜 学禁毒我坚决说不
今年娱乐圈大把新闻 唔怕闷亲
都唔明点解个个明星都要瞒婚
阿Sa同Ronald有边个估到佢哋已婚
惊吓度爆灯
惊过话我搞大林嘉欣
以后阿Sa搭的士肯定唔使等
要撘的士咩 佢即刻Call的士陈
Angelababy最钟意食蛋糕
估都估到 女神唔通会钟意的士佬
志云大师大战ICAC
凌晨饮coffee 点知无陈豪服侍
真的假不了 结果不了了之
高调番TVB
墙头草 好自为之
我真心信真爱无界限
唔系李亚男点会拣水平线都望唔到嘅王祖蓝
苏施黄话我要赚两亿
好可惜 佢个talk每场得两个人出席
咁都赚两亿 得两个解释
一系系神蹟 一系每张飞值一亿
林峰摆chok样就至叻
加个湿身大背脊
ladies you get wet yet
如果TVB有最佳cosplay奖
一定系峯峯攞奖 无人敢同佢抢
佢cosplay神探伽俐略个样
观众眼睛最雪亮 你话边忽唔一样
一单盆景猫 全城闹爆唐贝诗
点知 老豆仲无耻 涉嫌迷奸模特儿
Mr 嘅 Alan 果然言出必行
情欲化身偷嗒人未婚妻嗒得好过瘾
林依丽大口气笑人歌星仔
我想问边个知呢个阿婶系边位
2010香港劲多劲歌
每次听安哥尖尖尖 loop住劲播
系谢金燕嘅哔哔哔教识我
只要老母性感就有很多人call
唔使 rap 最紧要怪
广告加段 rap 保证产品大卖
你有无鼻敏感
你钟意食意粉
你有无去健身
唔使审 屎桥系边个谂
如果你想你段广告 rap 好听
记住我个名 我叫做 MASTABRAND
世界杯有八爪鱼保罗估波
香港都有个黄婉曼讲波
佢有波有天气
佢讲波有面俾
但我想问你
你想睇波定睇天气
烈女不怕死但怕会无得嫁
恭喜千FA唔使怕窃灶隙
以后无人再唱神啊 救救我
因为失恋王山鸡哥都娶咗个老婆
香港申办亚运 唔少得小明同李家仁
李家仁医生系新一代MC仁
小明上广州 系咪小明参加亚运
比赛抱住个冬瓜猛咁赵 小明系冠军
最低工资系帮工人定帮商人
麦记一个餐都卖紧三十蚊
张宇人肯调整薪金至每小时廿蚊
我即刻捐晒我副身家俾关爱基金
香港拥有最健全司法制度
原来亲戚系法官就可以打差佬
恶有恶报未报系时辰未到
恭喜Amina 圣诞老人都救你唔到
潮流兴生仔揾代母
李嘉杰无性繁殖照生三个小宝宝
第日你要对呢三个细路爆粗
记住唔系讲 do 你老母
系 do 你代母
前亚运女将靳索X富商
无人想知真相但都想知X富商真样
菲律宾特种部队系持别无gut屎
救人资定杀人资 总统仲笑咪咪
总统够可耻 国民影相摆甫士
出事港人 rest in peace
我哋为你讨回公义
华叔用一生为香港人服务
我哋会继续 你坚持嘅民主之路
一张空凳 代表和平声音
一张空凳 有人为自由牺牲
中国人系时候为民主企起身
诺贝尔同我哋与民主同行
人民赋予你权力
系为人民作打算
无为人民打算都算
仲要拆人民家园
你话你有权 拆毁菜园村
捍卫家园叫极端
拆毁菜园系咪极权
系边个契弟放火烧南生围
唔使估肯定系班地产吸血鬼
今年有三位人士特别要致敬
许细文 曾敏杰同埋黄福荣
捐肝嘅许生系器官捐赠之星
曾敏杰同黄福荣系义工精英
估唔到社民连都有个甘乃威
政治烈士原来都系咸湿四眼仔
有人话五区公投系浪费公帑
起码人哋为民主唔系大只讲
原来民主党同阿爷倾掂当
所以争取普选诸多籍口推搪
我想知佢系爱港定爱党
佢爱党要卖港
伪民主嘅民主党
蚁民佢唔会帮
为民请命你唔使望
正宗日防夜防 最终家贼难防
最犀利都莫过犀利哥
犀利到连新闻台都有讲过
不过各位潮人唔使善慕咁多
只要香港由Bowtie掌舵
好快成街都系犀利哥
奴才Donald点配做香港领导
大卖起锚广告事实系改变唔到
我决定向消委会投诉
投诉广告内容不实纯粹误导
睇到香港市民鼓噪
今年圣诞特首变身Hip Hop大使
谂住鬼主意会得到后生仔支持
点知又出事 我有个好提议
下年圣诞个时
特首同我rap次D.O.G.
一年嘅准备
一年嘅心机
一年嘅努力制造一只Mixtape
2011 2月19 做好准备
The New Hope Mixtape
马米约定你