作词：MastaMic
作曲：陈玮洛
编曲：陈玮洛 / Joey Lam / MastaMic
监制：MastaMic
一年又一年今年嚟到第八年Rap Up
一年一度嘅Rap Up当然唔会消失
一年一次我会用rap去总结过去365日
事不宜迟睇下今年我又会rap乜
江华五张嘢无做幕前转做保险
佢狠评嘅娃娃舜十几年后反而有得表演
50歳美魔女罗霖出写真仲要加印
话唔定我阿妈都可以出嚟行性感
如果阿叻真系叻到Facebook由佢创办
咁佢当年点会一舗就蚀咗几千万
四哥怒掴曾江错手将胡枫眼镜打竵
Joe Junior坚持揸咪化身做战地记者
梅艳芳连内衣裤都被人网上拍卖
未见过有遗产管理人系咁＿街
大阅兵有艺人话睇到感动流泪
咁感动点解唔加入解放军为国捐躯
Juno一首《罗生门》喺乐坛一舖翻身
由幕后红到幕前真系红歌又红人
家强同CY台上合唱完再影相
原来一早有人已经背弃了理想
阿Sa向《雏妓》套戏演技大升华
其实我最羡慕系男主角任达华
既然阿Sa你同的士陈都分开咗
如果你钟意细过自己不妨考虑吓我
亚视一拖再拖员工嘅薪金
咁都够胆自称做亚洲良心
最后续牌失败 终于寿终正寝
邱德根知道死咗都随时激到弹起身
黄晓明Angelababy摆200围世纪婚宴
净系敬酒环节随时敬到零晨三点
当有人唱叮当可否不要老
但可惜林保全已经唔再喺度
如果薛国强行路快过电车咁异于常人
佢应该代表香港去参加下届奥运
韩国中东呼吸中级综合综合呼吸综合症
我估应该系最桥口掺手嘅医学名称
廉署用咗三年完成调查曾荫权
佢系香港史上被起诉嘅最高级官员
搞创新及科技局但又要打击Uber
咁样都叫支持科技真系自打咀巴
港铁唔俾乘客携带大型乐器
但系偏偏比水货客带大件行李
两场港中大战0:0 守到最后
俾大家见识到香港有层次嘅足球
巴黎恐袭香港Facebook头像换晒法国国旗
真心为别人加油定系顺应潮流要问返你
般咸道石墙嘅百年古树漏夜被斩
路政署决定草率正宗杀树唔眨眼
创办20年嘅八卦杂志忽然一周
今年突然停刊即刻变做忽然一收
马云买起过百年历史嘅南华早报
咁南早以后咪会变做红早
系香港逾期居留九年嘅怀仔
揾陈婉娴谂计最终自愿遣返无得留低
区议会选举见证政治新世代嘅掘起
先有葛珮帆消失再将钟树根连根拔起
如果胸部可以袭警咁神奇
咁好多靓模都携带大杀伤力武器
朱经纬追打市民发生咗成年
人哋退休攞埋长粮都未有任何进展
光明磊落七警几时先会被人告
搞咗一年终于正式落案起诉
不过同日曾建超被预约拘捕
竟然系戚秦氏翻版原告可以变成被告
特首话䕶老院虐老关土地问题事
咁佛光街对情侣咪系土地问题最佳例子
佢仲话自己权力嚟自中央所以地位超然
最抵死系佢后边嘅官员听到反应愕然
梁齐昕自爆妈咪唔系佢亲生妈咪
再兜巴掴呢个唔系佢亲生妈咪嘅妈咪两次
第三条跑道嘅空域问题仲未解决
就已经大嗱嗱千几亿帮香港人大出血
高铁不停超支事件 已经够晒痴线
最危险系到而家仲未搞掂一地两检
建制派表决前拉队离场话要等埋发叔
结局大比数否决刘皇叔无啦啦中伏
启晴邨未来应该会有好多iron man
因为食水含铅量超标到得人惊
吴克俭TSA公听会又唔出现
市民诉求摆埋一边去日本食个放题先
港大校委嫌陈文敏无博士学位喺手
话有校委跌亲冇show sympathy冇人问候
政府上载《喜欢你》都触犯版权修订条例
连政府都犯法你就知条法例系几易中计
感谢听紧呢首歌嘅每一位
沉淀咗两年马米今年全面回归
全新嘅嘅音乐配合全新嘅班底
你哋期待咗两年嘅新专辑即将面世