作词：阿李
作曲：阿李
好耐以前 喺好远嘅地方 有一个村庄
所有人畅所欲言 生活平凡健康
每日努力下田 为农作物而繁忙
直至黄昏仰望 天空嘅暮光
为左方便生活 种种活动开始活泼
发展变得蓬勃 生活不再变得一般
人越多 争执越多 钱越多 欲望越多
贫富变得悬殊 酿成更多人祸
为左平衡纷争 平衡所有人 维护平等
村长就应运而生 不分穷人定大亨
系村民都有份选出代表自己值得信赖嘅人
维护自己付出嘅辛勤
但系权力令人腐化 欲望令制度出现变卦
利益倾斜向地主商家 渐渐规则都改变
由有钱嘅商家选出人选代表大家
村庄唔再系一个平等嘅家
小村庄发展成一个小城
过程肮脏 尽显邪恶人性
This city is dying
This city is dying
村长成为爪牙 又点会愿意聆听基层村民嘅喧哗
欲望系人性 拥有更多 只会争取更多
无止境嘅欲望 印证贫富嘅形成 无人可以否定
坐拥资产嘅人又点会愿意分一杯羹
又点可能放下掌控权力嘅帅印
一直被服侍嘅人 又点会明白下人嘅艰辛
又点可能努力改变佢地嘅命运
无法否认世上有良心嘅慈善家
但事实证明 富有嘅人当中更多系人渣
苛且生活嘅人数量成沙 当权者品茶赏花
就话自己服务大家
村长继续着眼村庄嘅大利益
而大利益只系确保地主商人无被压抑
得到权贵赏识 生活自然过得舒适
继续喺欲望之中 尽情放肆 尽情沉溺
Verse 3:
当村民睇大病 要等数不清嘅礼拜
当村民去工作 数不清嘅超时疲态
当村民买石屋 要孭数不清嘅欠债
当村民嘅生活 开始盲目变得奇怪
对比石器时代 村庄已经比上一代幸福
唔受饥饿虐待 大家理应值得庆祝
但经过每年辛劳嘅一步 理应大家生活进一步
努力付出 应该令生活可以更满足
但系村长坐往马车 感受村民行嘅长途
村长往系城堡 想像村民往嘅笼牢
村长品茶赏花 同商家讨论村民嘅前途
安逸嘅生活 又点会明白村民嘅哀嚎
当村长未经历过生活压迫 未被权贵压抑
又点可能发自内心为村民争取权益
就算村长被揭发腐败嘅事绩
村民都无办法保卫自己应有嘅权益
究竟资源充足嘅社会
点解仲系对问题视若无睹
掌控资源分配嘅人被利益支配 接受行贿
无视贫困基层嘅控诉 反而为权贵服务
愤怒嘅村民将不满化成涂鸦
但越黎越多嘅村民选择做一个哑巴
安逸嘅村民只会觉得反对嘅人系傻瓜
问题留番俾管治村庄嘅所谓政治家
当一切都再无希望
有村民宁愿失去自由都要反抗
为左表达不满嘅怒火 不再顾及后果
文明嘅时代 犯事就系过错
犯法必需要承担应有嘅后果
但系最可悲系现况未曾改变过
权贵继续代表村庄发表成果
贫困嘅人继续忍气吞声默默渡过
能够生存嘅村民 视而不见 听而不闻 继续游荡
未来到底 是福是祸
万物一切 都有因果
未来到底 是福是祸
小城嘅结局 到底会如何