作词：叶俊麟
(一)
鸟啼叫休在船头 亲像知阮心稀微 彼一日惦在港边 ~
送哥哥离开去 为怎样阮又返来 这个港边思念伊~
思念著哥哥情义 引起阮向对彼边天 来叫 著伊的名字~
(二)
海波浪涌来涌去 引阮想起彼当时 哥哥在船头笑笑~
摇手来离开去 伊是去出国留学 阮为怎样心酸悲~
思念著哥哥情义 一时来感觉心空虚 向海 面来唸歌诗~
(三)
火船螺响亮作响 动阮心内忧愁味 只留着一张相片~
哥哥来离开去 到底爱等到何时 双人才会再相见~
思念著哥哥情义 抬头向天边祈祷伊 早成 功返来乡里~
------------------------------------------
6400/《思念的港边》Su-liām ê Káng-pinn
李雅芳Lí Ngá-hong
鸟啼叫歇在船头
tsiáu thî-kiò hioh tsāi tsûn-thâu
亲像知阮心稀微
tshin-tshiūnn tsai gún sim hi-bî
彼一日踮在港边
hit-tsi̍t-ji̍t tiàm-tsāi káng-pinn
送哥哥离开去
sàng ko--koh lī-khui--khì
为怎样阮又阁
uī tsuánn-iūnn gún iū-koh
来这个港边思念伊
lâi tsit-ê káng-pinn su-liām i
思念著哥哥情义
su-liām tio̍h ko--koh tsîng-gī
引起阮向对彼爿去
ín-khí gún hiòng-tuì hit-pîng--khì
来叫着伊的名字
lâi kiò tio̍h i ê miâ-jī
海波浪溢来溢去
hái-pho-lōng ik-lâi-ik-khì
引阮想起彼当时
ín gún siūnn-khí hit-tang-sî
哥哥在船头笑笑
ko--koh tsāi tsûn-thâu tshiò-tshiò
摇手来离开去
iô-tshiú lâi lī-khui--khì
伊是去出国留学
i sī khì tshut-kok liû-ha̍k
阮为怎样心酸悲
gún uī-tsuánn-iūnn sim sng-pi
思念著哥哥情义
su-liām tio̍h ko--koh tsîng-gī
一时来感觉心空虚
tsi̍t-sî lâi kám-kak sim khang-hi
向海面来唸歌诗
hiòng hái-bīn lâi liām kua-si
火船螺响亮出声
hé-tsûn lê hiáng-liāng tshut-siann
动阮心内忧愁味
tāng gún sim-lāi iu-tshiû bī
只留着一张相片
tsí lâu tio̍h tsi̍t-tiunn siòng-phìnn
哥哥来离开去
ko--koh lâi lī-khui--khì
到底爱等到何时
tàu-té ài tán kàu hô-sî
双人才会再相见
siang-lâng tsiah ē tsài siong-kìnn
思念著哥哥情义
su-liām tio̍h ko--koh tsîng-gī
攑头向天边祈祷
gia̍h-thâu hiòng thinn-pinn kî-tó
伊早成功转来乡里
i tsá sîng-kong tńg-lâi hiong-lí