作词：江惠仪
作曲：江惠仪
听大人的话 我有加读册
凡事著爱吞忍相让 一定袂脱箠
莫计较遐济 爱憨憨去做
毋免烦恼得到啥货 重要是经过
我恬恬忍耐 我沓沓等待 向望着成功的未来
听头家的话 乖乖做工课
戏棚跤徛久是我的 免怨天怨地
要求遐尔济 是予我磨炼
毋是大家拢有机会 爱谢天谢地
我决心忍耐 我耐心等待 人讲的成功的未来
疑问毋通讲出来 顶头的话莫疑猜 温驯扶挺才可爱
好歹拢假作毋知 破坏和平不应该 莫参别人无仝款
天光抑毋愿醒来 镜内的人不熟似 梦中我走揣答案
逐工唸一回 莫伤济意见
三十几岁我才体会
这社会无问题
上好莫有问题
若问 你就是 问题