作词：谢顺福
作曲：谢顺福
编曲：康亦壮
看着你要离开的形影 乎我感觉心真痛
想要轻声叫你的名 搁揽你置我的心肝
想要开嘴无法度出声 想要伸手要挽回啥
因为我已经知影 搁继续嘛无卡纸
啊感情用事 不通感情用事
甭搁怀念过去的生活 甭搁想起你我的名
啊感情用事 不通感情用事
无你的日子 我会忍受寂寞孤单
------------------------------------------
5784/《感情用事》Kám-tsîng Iōng-sū
朱海君Tsu Hái-kun
看着你欲离开的形影
khuànn-tio̍h lí beh lī-khui ê hîng-iánn
予我感觉心真疼
hōo guá kam-kak sim tsin thiànn
想欲轻声叫你的名
siūnn-beh khin-siann kiò lí ê miâ
阁揽你伫我的心肝
koh lám lí tī guá ê sim-kuann
想欲开喙
siūnn-beh khui-tshuì
无法度出声
bô-huat-tōo tshut-siann
想欲伸手
siūnn-beh tshun-tshiú
欲挽回啥
beh bán-huê siánn
因为我已经知影
in-uī guá í-king tsai-iánn
阁继续嘛无较縒
koh kè-sio̍k mā bô-khah-tsua̍h
啊~感情用事
ah~ kám-tsîng iōng-su̍
毋通感情用事
m̄-thang kám-tsîng iōng-sū
莫阁怀念过去的生活
mài koh huâi-liām kuè-khì ê sing-ua̍h
莫阁想起你我的名
mài koh siūnn-khí lí guá ê miâ
啊~感情用事
ah~ kám-tsîng iōng-sū
毋通感情用事
m̄-thang kám-tsîng iōng-sū
无你的日子
bô lí ê ji̍t-tsí
我会忍受寂寞孤单
guá ē jím-siū tsi̍k-bo̍k koo-tuann