作词：陈达儒
作曲：苏桐
公园路雨毛毛 单身行出病院门 幸福梦今无缘
愈想愈恨割心肠 为著伊有厝 变成不敢返 可恨伊放阮 母子谁担当。
口白：薄情郎 阮是信任你是人格者 是一个有责任的人
谁知你所说的话 全是花言巧语 腹肚里的囝仔将近要来出世
已经无法度再瞒骗社会的耳目 有厝变成不敢倒返去
你又来闪避我 阮母子前途 叫阮怎样才好。
公园路春天后 两边虫声乱抄抄 薄情郎作伊走
这款爱人谁敢交 想幼子出世 日子已经到 可恨伊侥心 绝情无回头。
口白：想起初恋暝晚相亲相爱 行着这公园路 是何等的快乐何等的甜蜜 爱情结合期待幼子出世 也会得创作幸福家庭
再三再四望你不通来放忘记 意外我尽靠你你尽靠我
变成一场空梦的青春悲喜曲 吴先生你你真是害人不浅啊。
公园路孤单行 手提包袱哭出声 求幸福变歹命
咬牙切齿叫君名 无想阮应该 也着想亲子 可恨伊害阮 坠落黑暗城。