作词：黄永发
作曲：吴静慧
彼一暝阮又搁听见 彼段哀怨的歌声
惦阮耳空边轻轻底响起 彼段年久的爱情
当初的咒诅爱阮袂变卦 句句拢是欺骗我
为著一句话放弃了一切 落入红尘袂清醒
如今情歌唱乎谁人听 心情惦惦为你弹
是谁人摧残阮年华 放乎阮无依无偎
一条情歌唱乎谁人听 心声你甘会知影
到何时打开阮身影 离开秋风还有谁
------------------------------------------------
《情歌唱予啥人听》Tsîng-kua Tshiùnn Hōo Siánn-lâng Thiann
秀兰玛雅Showlen Maya
彼一暝
hit tsi̍t-mî
阮又阁听见
gún iū-koh thiann-kìnn
彼段哀怨的歌声
hit tuānn ai-uàn ê kua-siann
踮阮耳空边
tiàm gún hīnn-khang-pinn
轻轻咧响起
khin-khin-eh hiáng khí
彼段年久的爱情
hit tuānn nî-kú ê ài-tsîng
当初的咒誓
tong-tshoo ê tsiù-tsuā
爱阮袂变卦
ài gún buē piàn-kuà
句句拢是欺骗我
kù-kù lóng-sī khi-phiàn guá
为著一句话
uī-tio̍h tsi̍t-kù uē
放弃了一切
hòng-khì liáu it-tshè
落入红尘袂清醒
lo̍h-ji̍p hông-tîn buē tshing-tshénn
如今
jû-kim
情歌唱予啥人听
tsîng-kua tshiùnn hōo siánn-lâng thiann
心情恬恬为你弹
sim-tsîng tiām-tiām uī lí tuânn
是啥人摧残阮年华
sī siánn-lâng tshui-tsân gún liân-huâ
放予阮无依无倚
pàng hōo gún bô-i-bô-uá
一条情歌
tsi̍t-tiâu tsîng-kua
唱予啥人听
tshiùnn hōo siánn-lâng thiann
心声你敢会知影
sim-siann lí kám ē tsai-iánn
到何时拍开阮身影
kàu hô-sî phah khui gún sin-iánn
离开秋风犹有谁
lī-khui tshiu-hong iáu-ū siáng