作词：猪鬃盛
作曲：猪鬃盛
头潜行来一个小姐 身穿貂皮脚踏鳄鱼皮
掩仔滚縖狐狸皮腹肚兔仔皮 腰是蛇皮裤是虎皮(唉哦)
害阮心肝头煞丢三个 嘴澜险险流落去贾裤底
老实的身体渐渐阿硬 卡紧冲去头前激我的厚脸皮
小姐 小姐 汝几岁 小姐 小姐 汝嫁袂
看汝面红红头黎黎 阮心花开台球拢秃锤
汝穿遐嫷是欲走去佗 汝咧等人否 无我陪汝聊天
汝讲汝此只无精少年鸡 一箍锤锤汝甘有家伙
我咧有银两是欲创啥货 阮少年也工夫卡激底
(予我吻一个 好势毋好势 吻著汝的面皮 又软阁又白)
忽然间行来一个老阿伯 生了袂输也丸仔蟋蟀仔兼阁风度翩翩
贾汝揽入去一台加长型的乌头车内底 欲走兼阁越头给我狞一个
我雄雄想欲哭两声仔送裀老父 恁兜火烧厝否无汝是咧娆摆啥货
无采一个妖娇美丽的小姐 原来着是 哪咳喔阿伊著哀喔喂
小姐 小姐 汝几岁 干着爱安捏日子卡好过(阿咧？)
小姐 小姐 汝几岁 小姐 小姐 汝嫁袂
小姐 小姐 汝几岁 干着爱安捏日子卡好过
目一咧睨 少年也已经五十岁
坐咧忠孝东路的乌头仔车内底 无啦 我是讲 时间过了真紧
无代无志 已经过十冬了
青春小鸟一去不再回 难免会无倘阿像少年时代遐美丽
欧巴桑 欧巴桑 请汝免歹势 今嘛四界拢嘛有咧给人拉皮
(汝若讨皮疼ㄜ)
尤其是卡早予汝骂的此只乌鲁木齐无卫生阁毋咧字的毋精少年鸡
彼站气一咧开始用功读册 没撒著博士阁毋愿收尾
现主时已经开一家轰动东南亚的整型外科 代念卡早的情份
汝来我给汝打折 无问题
小姐 小姐 汝几岁 小姐 小姐 汝几岁
欧桑 欧桑 汝几岁 欧桑 欧桑 汝几岁
欧巴桑 欧巴桑 汝几岁 欧巴桑 欧巴桑 汝几岁
阿婆 阿婆 汝几岁 阿婆 阿婆 汝几岁
看汝是欲 腹仔皮 胸坎皮 大腿皮
掩仔滚皮 脚穿皮 腰皮 蛇皮 犀牛皮 老虎皮 大象皮 恐龙皮
穿山甲皮 鳄鱼皮 龟皮 鳖皮
亦是欲像县市长候选人彼种有够厚的面皮
拢无问题 本山人拢奉陪