作词：朱约信
作曲：朱约信
编曲：朱约信
噫啊 唉哦 噫啊 唉哦
噫啊 唉哦 噫啊 唉哦~~~~
恁公啊欲啊死啊有啊交代啦
叫你咧垃圾著乌白掷呀
波利弄啦 塑胶落仔
宝特瓶啊 铝箔包 掷甲咱台湾无人欲爱
咱的台湾 咱的台湾
出世的所在 生长的地方
是什么人呀 予咱的环境变甲这款~~~~
恁公啊欲啊死啊有啊交代啊
叫你咧三轻四轻毋通来
结果五轻嘛来啦 六轻嘛来啦
七轻 八轻 九轻 十轻拢总来
(咱的台湾 咱的台湾 你住遮
你的心敢会安 你是毋是咧烦恼咱的后代)
恁公啊欲啊死啊有啊交代啊
叫你咧行政院长毋通乱来
结果李登辉亦来啦 郝柏村呀
来啦 阿猫阿狗芋仔蕃薯拢总来啦
台湾哪 台湾哪 台湾哪
咱永远要惦在台湾这咧所在
咱的子孙嘛欲惦伫遮
咱永远要惦在台湾这咧所在
咱的子孙嘛欲惦伫遮
咱子孙的子孙 子孙的子孙
囝孙的子孙 的子孙….
台湾哪 台湾哪 台湾哪….