作词：彭莉
作曲：彭莉
回过头就ㄟ冻自由 雄雄感觉不甘
情路行到这个崁站 因为爱稍重
我不要怨恨 才会将你的手放 我不再编织美丽的梦
含着眼泪的笑容 渗著几分阿悲伤
咱都不通再怀疑 不通再勉强
踏出分开的头一步 我一定会坚强
我爱过的人 请你也保重
我是心甘情愿爱你 也是心甘情愿离开
既然温柔反背天真 你我都爱承认
我是心甘情愿爱你 也是心甘情愿离开
(甘是) (甘有)
深深的喘一口气 咱的爱到这为止
------------------------------------------
11829/《心甘情愿》Sim Kam Tsîng Guān
彭莉Phênn Lī(彭立Phênn Li̍p)
越过头
ua̍t-kuè thâu
就会当自由
tiō ē-tàng tsū-iû
雄雄感觉毋甘
hiông-hiông kám-kak m̄-kam
情路行到这个坎站
tsîng-lōo kiânn kàu tsit-ê khám-tsām
因为爱伤重
in-uī ài siunn tiōng
我无爱怨恨
guá bô-ài uàn-hūn
才会将你的手放
tsiah ē tsiong lí ê tshiú pàng
我不再
guá put-tsài
编织美丽的梦
pian-tsit bí-lē ê bāng
含着目屎的笑容
kâm tio̍h ba̍k-sái ê tshiò-iông
掺著几分仔悲伤
tsham tio̍h kuí-hun-á pi-siong
咱拢毋通阁怀疑
lán lóng m̄-thang koh huâi-gî
毋通阁勉强
m̄-thang koh bián-kióng
踏出分开的头一步
ta̍h-tshut hun-khui ê thâu tsi̍t-pōo
我一定会坚强
guá it-tīng ē kian-kiông
我爱过的人啊
guá ài--kuè ê lâng--ah
请你也保重
tshiánn lí iā pó-tiōng
我是心甘情愿爱你
guá sī sim kam tsîng guān ài lí
也是心甘情愿离开
iā-sī sim kam tsîng guān lī-khui
既然温柔反背天真
kì-jiân un-jiû huán-puē thian-tsin
你我拢爱承认
lí guá lóng ài sîng-jīn
我是心甘情愿爱你
guá sī sim kam tsîng guān ài lí
也是心甘情愿离开
iā-sī sim kam tsîng guān lī-khui
深深的喘一口气
tshim-tshim ê tshuán tsi̍t-kháu-khì
咱的爱到遮为止
lán ê ài kàu tsia uî-tsí
---
敢是心甘情愿爱你
kám-sī sim kam tsîng guān ài lí
敢有心甘情愿离开
kám ū sim kam tsîng guān lī-khui
深深的喘一口气
tshim-tshim ê tshuán tsi̍t-kháu-khì
咱的爱到遮为止
lán ê ài kàu tsia uî-tsí