作词：渔人
作曲：Sebasyian Leong
★RAP：
月色冷冷空气稍微湿湿 提着行李你惦惦置咧憨等
你说要流浪找人生的答案 阮的心情随着时间过去越来越胆寒
冷风冷雨纷纷扰乱春天 在这个寂寞孤单的伤心车站
尾班车载着乎阮悲伤的人 已经要出站
＊茫茫深更这暗 心扰乱袂轻松
孤单的心这乱 阮爱你无彩工
看你离开车站 阮心酸目眶红
阮的心情这重 目屎是为甚人
＃阮的心内为何时时想到你 想你恨你怪你越头做你去
无情的人对阮渐渐放袂去 无情车站惦惦阮看你去
△阮的心内为何时时想到你 想你恨你怪你越头做你去
海角天涯流浪到底为什么 花落叶叶离枝
Repeat ＊,＃,△,＃,△,★
------------------------------------------
7214/《离别车站》Lî-pia̍t Tshia-tsām
谢金燕Siā Kim-iàn
↓↓---(口白) -(RAP)----↓↓
月色冷冷
gue̍h-sik líng-líng
空气小可澹澹
khong-khì sió-khuá tâm-tâm
提着行李
the̍h tio̍h hîng-lí
你恬恬伫咧戆等
lí tiām-tiām tī-leh gōng tán
你讲欲流浪
lí kóng beh liû-lōng
揣人生的答案
tshuē jîn-sing ê tap-àn
阮的心情
gún ê sim-tsîng
随着时间过去
suî tio̍h sî-kan kuè--khì
愈来愈胆寒
jú lâi jú tám-hân
冷风冷雨纷纷
líng-hong líng-hōo hun-hun
扰乱春天
jiáu-luān tshun-thinn
伫这个
tī tsit ê
寂寞孤单的
tsi̍k-bo̍k koo-tuann ê
伤心车站
siong-sim tshia-tsām
尾帮车
bué-pang-tshia
载着予阮悲伤的人
tsài tio̍h hōo gún pi-siong ê lâng
已经欲出站
í-king beh tshut-tsām
↑↑---(口白) -(RAP)----↑↑
茫茫深更遮暗
bâng-bâng tshim-kinn tsiah àm
心扰乱袂轻松
sim jiáu-luān buē khin-sang
孤单的心遮乱
koo-tuann ê sim tsiah luān
阮爱你无彩工
gún ài lí bô-tshái-kang
看你离开车站
khuànn lí lī-khui tshia-tsām
阮心酸目箍红
gún sim sng ba̍k-khoo âng
阮的心情遮重
gún ê sim-tsîng tsiah tāng
目屎是为啥人
ba̍k-sái sī uī siánn-lâng
阮的心内
gún ê sim-lāi
为何时时想着你
uī-hô sî-sî siūnn-tio̍h lí
想你恨你
siūnn lí hūn lí
怪你越头做你去
kuài lí ua̍t-thâu tsuè lí khì
无情的人
bô-tsîng ê lâng
对阮渐渐放袂去
tuì gún tsiām-tsiām pàng buē-khì
无情车站
bô-tsîng tshia-tsām
恬恬阮看你去
tiām-tiām gún khuànn lí khì
阮的心内
gún ê sim-lāi
为何时时想着你
uī-hô sî-sî siūnn-tio̍h lí
想你恨你
siūnn lí hūn lí
怪你越头做你去
kuài lí ua̍t-thâu tsuè lí khì
海角天涯流浪
hái-kak thian-gâi liû-lōng
到底为啥物
tàu-té uī-siánn-mih
花落叶
hue lo̍h ia̍p
叶离枝
ia̍p lî ki