作词：欧阳靖
作曲：欧阳靖
饮啖茶 食个包 饮啖茶 食个包
饮啖茶 食个包 饮啖茶 食个包
约咗十点半 十点半一定要到
咁早唔系去饮茶仲有乜嘢可以去做
唔介意搭台嘅 嘢食可以即刻到口
唔想搭台嘅就大约十五分钟左右
冇办法啦 宁愿等一等都唔想同人逼
我同你话晒大家根本都唔系相识
我有我 你有你 你饮香片我饮普洱
我哋根本就唔夹 所以有得避就要避
饮茶根本净系得个嘈 最紧要系啲嘢食全部热辣辣啱啱新鲜出炉
饮茶净系得个嘈 最紧要系啲嘢食全部热辣辣啱啱新鲜出炉
饮啖茶 食个包 饮啖茶 食个包
饮啖茶 食个包 饮啖茶 食个包
我哋做个比例 如果点心系一套戏
虾饺一定会做主角 因为佢实在太好味
唔系点解次次出场先都系佢落台
我话虾肠唔系牛肠 唔该帮我改一改
啲糯米鸡太热 所以我次次慢慢咬
唔该要一碟排骨 同埋嚟多两笼凤爪
啲蛋挞唔够热唔该你帮我叮一叮
请问啲叉烧包究竟系焗嘅定系蒸
啲萝卜糕最紧要煎得好 再喺上面加一啲海鲜酱就可以即刻摆落肚
啲萝卜糕最紧要煎得好 再喺上面加一啲海鲜酱就可以即刻摆落肚
饮啖茶 食个包 饮啖茶 食个包
饮啖茶 食个包 饮啖茶 食个包
你唔饱 饮茶有呢一吓方便
可以叫碟干炒牛河或者海鲜炒面
食唔晒嘅可以打包 做人悭得就要悭
等我饮埋呢啖茶 就叫个伙计买单
嗱 我而家就去一去洗手间
上次你请 今次等我俾 千其咪嚟同我争
嗱 嗱 上次你请啊 今次梗系到我架啦
嗱系咪朋友先 系朋友嘅你就唔好同我争啊
喂 大家自己人争咩啫 梗系等我俾啦喂
你唔系呀 你唔系揾交嗌呀嘛
饮茶你都要揾交嗌 喂 等我俾啦
饮啖茶 食个包 饮啖茶 食个包
饮啖茶 食个包 饮啖茶 食个包