人说哩福无双至 祸不单行 想着心肝凝啊心肝凝
那要说我人坏运 无人比我恰搅轮
初出洞门赌意志啊 那无成功不蹬去
堂堂踏入台北市 若最头路满满是
谁知一找十外天 白白浪费找无康喔
嘎在登著阮阿姨婴叔公的丈人 给我闲
介绍我去运送店 薪水多少我不嫌
不过头家人太咸 又搁整日碎碎念ㄚ碎碎念
透早呀念到一半暝 甘嘛气嘛气半死
一时恼到不忍耐 惨惨跳出来
然后呀 走去做小工 甘愿屈首做粗重
无疑做没一礼拜 头家看我汉草坏叫我明天不要来
这款工作很不保 煞了餐厅做跑桌
碰到一个龟龟鳖鳖 多不说要什咪
甘担给我一直站 我站半天不出声 看到怨叹起怨怼
人客甘是哑巴 跟他比手尬偎刀 他煞给我醮给我侧
说我无礼貌 去给头家倒加倒
害我头路煞黑有 看破工厂做黑手 黑手师傅人盖好
声声句句给我疴乐
说我呀人老实又认真 听着心头轻
按什这次赞 头路一定安 无疑工厂煞破产 煞破产
想到人著懒
甜的没吃心先酸 甘愿走去摸油汤 油汤头路很歹吃
透早到晚一直站 站到脚酸肿脚湿
透早到晚心茫茫 坐落椅子要歇息
头ㄟ骂我这派款 一声头路给我辞 叫我回去吃自己
煞落尬伊学师公 师公帽著嘎戴
鞋子杉裤著嘎穿 铃铛啊著铃铃弄弄
咒语念没通 牛角吹无风 咒语念麦来
干脆唱那条刘福助的落下骸
无疑庙公气到嘴歪歪 目眉卓倒栽 扫手给我不出来
做来做来多吃亏 煞落去剃头做车V 车V叫我烧山兼落龙
落龙没落龙 目眉给人剃一边
人客啊骂我这抠形 我著好嘴给求情 叫我头张吹给干
我给他吹到臭火干 人客生气请搁辞 我就春廖不要卡给钱
人客笑嘻嘻 头壳摸摸走出去 才知头张剃到春两只
理发厅长直摇头 说我人无效 一声叫我走 想着强要号 强要号
每样我多做不成 气到走去驶计程
驶计程要识路草 人客说要去大桥头 我给驶去到北投
人叫我要去迪化街 我给他驶去外双溪
想到驶车也不软 看破尬到来去返
越想越ㄟ忧愁 就跟人学打手 是要演那个电视剧 要做打
手人软弱 录影开始 打倒爬不起 昏倒半小时
公司著了彼落医药钱 导演仙算搁算不合台
叫我回去保养甲搁来
想着ㄟ脸著黑 看破回来去吃那个番薯块
回来去吃那个番薯块
-------------------------------------------------
《一年换二十四个头家》Tsi̍t-nî Uānn Jī-tsa̍p-sì ê Thâu-ke
刘福助 Lâu Hok-tsōo
人讲欸~
lâng kóng--eh~
福无双至 祸不单行
hok bû siang tsì, hō put tan hîng
想着心肝凝啊心肝凝
siūnn tio̍h sim-kuann gîng--ah sim-kuann gîng
若欲讲我人歹运
nā beh kóng guá lâng pháinn-ūn
无人比我较齐匀
bô-lâng pí guá khah tsiâu-ûn
初出洞门赌意志
tshoo tshut tōng-mn̂g tóo ì-tsì
若无成功毋转去
nā bô sîng-kong m̄ tńg-khì
堂堂踏入台北市
tông-tông ta̍h-ji̍p Tâi-pak-tshī
掠做头路满满是
lia̍h-tsuè thâu-lōo muá-muá-sī
谁知一揣十外工
siáng tsai tsi̍t tshuē tsa̍p-guā kang
白白浪费揣无空
pe̍h-pe̍h lōng-huì tshuē bô-khang
佳哉搪著阮阿姨
ka-tsài tn̄g tio̍h gún a-î
怹叔公的丈人
in tsik-kong ê tiūnn-lâng
共我喊
kā guá hiàm
介绍我去运送店
kài-siāu guá khì ūn-sàng-tiàm
薪水偌济我无嫌
sin-suí guā-tsē guá bô hiâm
毋过头家人太咸
m̄-koh thâu-ke lâng thài kiâm
又阁规日踅踅唸啊踅踅唸
iū-koh kui-ji̍t se̍h-se̍h-liām--ah, se̍h-se̍h-liām
透早唸到一半暝
thàu-tsá liām kàu tsi̍t-puànn-mî
干焦气嘛气半死
kan-tann khì mā khì puànn-sí
一时恼著袂忍耐
tsi̍t-sî náu- tio̍h bē jím-nāi
残残跳出来
tshân-tshân thiàu tshut-lâi
了后欸~
liáu-āu--eh~
走去做小工
tsáu-khì tsuè sió-kang
甘愿屈首做粗重
kam-guān khut-siú tsuè tshoo-tāng
无疑做无一礼拜
bô-gî tsò bô tsi̍t lé-pài
头家看我汉草䆀
thâu-ke khuànn guá hàn-tsháu bái
叫我 明天不要来
kiò guá “míngtiān bùyáo lái'
这款工课真无报
tsit khuán khang-khuè tsin bô pò
绁落去餐厅做走桌
suà--lo̍h-khì tshan-thiann tsuè tsáu-toh
拄著一个龟龟鳖鳖
tú tio̍h tsi̍t-ê ku-ku pih-pih
拢毋讲欲爱啥物
lóng m̄ kóng beh ài siánn-mih
干焦予我直直徛
kan-tann hōo guá ti̍t-ti̍t khiā
我徛半工毋出声
guá khiā puànn-kang m̄ tshut-siann
看着怨叹起怨戚
khuànn tio̍h uàn-thàn khí uàn-tshueh
人客敢是哑口
lâng-kheh kám sī é-káu
佮伊比手佮画刀
kah i pí tshiú kah uē to
伊煞共我挢阁共我𧮙
i suah kā guá kiāu koh kā guá tshoh
讲我无礼貌
kóng-guá bô lé-māu
去共头家投 共投
khì kā thâu-ke tâu, kā tâu
害我头路煞乌有
hāi guá thâu-lōo suah oo-iú
看破工场做乌手
khuànn-phuà kang-tiûnn tsuè oo-tshiú
乌手师傅人盖好
oo-tshiú sai-hū lâng kài hó
声声句句共我呵咾
siann-siann-kù-kù kā guá o-ló
讲我的人老实阁认真
kóng guá ê lâng láu-si̍t koh jīn-tsin
听着心头轻
thiann tio̍h sim-thâu khin
按算这摆赞
àn-sǹg tsit-pái tsán
头路一定安
thâu-lōo it-tīng an
无疑工场煞破产 煞破产
bô-gî kang-tiûnn suah phò-sán, suah phò-sán
想着人齐懒
siūnn tio̍h lâng tsiâu lán
甜的未食心先酸
tinn--ê buē tsia̍h sim sing sng
甘愿走去摸油汤
kam-guān tsáu-khì bong iû-thng
油汤头路真歹食
iû-thng thâu-lōo tsin pháinn-tsia̍h
透早到暗一直徛
thàu-tsá kàu àm it-ti̍t khiā
徛到跤酸肿跤胴
khiā kàu kha sng tsíng-kha-tâng
透早到暗心茫茫
thàu-tsá kàu àm sim bâng-bâng
坐落去椅仔欲歇困
tsē lo̍h-khì í-á beh hioh-khùn
头的骂我遮歹款
thâu--ê mā guá tsiah pháinn-khuán
一声头路共我辞
tsi̍t-siann thâu-lōo kā guá sî
叫我转去食家己
kiò guá tńg-khì tsia̍h-ka-kī
绁落去佮伊学司公
suà--lo̍h-khì kah i o̍h sai-kong
司公帽仔就共戴
sai-kong bō-á tiō kā tì
鞋仔杉裤就共穿
ê-á sam-khòo tiō kā tshīng
玲瑯仔就共玲玲瑯瑯
lin-long-á tiō kā lin-lin long-long
咒语念袂通
tsiù-gí liām bē thong
牛角是歕无风
gû-kak sī pûn bô hong
咒语念袂来
tsiù-gí liām bē lâi
规气唱彼条刘福助的落下骸
kui-khì tshiùnn hit tiâu Lâu Hok-tsōo ê Làu-ē-hâi
无疑庙公气甲喙歪歪
bô-gî biō-kong khì kah tshuì uai-uai
目眉倒头栽
ba̍k-bâi tò-thâu-tsai
扫帚共我抔出来
sàu-tshiú kā guá put tshut-lâi
做来做来拢食亏
tsò lâi tsò lâi lóng tsia̍h-khui
绁落去剃头做斜癗
suà--lo̍h-khì thì-thâu tsò tshiâ-lui
斜癗叫我共烧山兼落龙
tshiâ-lui kiò guá kā sio-suann kiam làu-lîng
落龙未落龙
làu-lîng buē làu-lîng
目眉共人剃一爿
ba̍k-bâi kā lâng thì tsi̍t-pîng
人客骂我遮酷刑
lâng-kheh mā guá tsiah khok-hîng
我就好喙共求情
guá tiō hó-tshuì kā kiû-tsîng
叫我头鬃吹予伊焦
kiò guá thâu-tsang tshue hōo i ta
我共吹甲臭火焦
guá kā tshue kah tshàu-hué-ta
人客受气请佮辞
lâng-kheh siūnn-khì tshiánn kah sî
我就存了 无爱共提钱
guá tō tshûn liáu, bô-ài kā the̍h tsînn
人客笑嘻嘻
lâng-kheh tshiò hi-hi
头壳摸摸咧行出去
thâu-khak bong-bong--leh kiânn tshut-khì
才知头鬃剃甲䞐两枝
tsiah tsai thâu-tsang thì kah tshun nn̄g ki
理发厅长直摇头
lí-huat-thiann-tiúnn ti̍t iô-thâu
讲我人无效
kóng guá lâng bô-hāu
一声叫我走
tsi̍t-siann kiò guá tsáu
想着强欲吼 强欲吼
siūnn tio̍h kiōng-beh háu, kiōng-beh háu
逐项我都做袂成
ta̍k-hāng guá to tsò bē sîng
气著走去驶计程
khì- tio̍h tsáu-khì sái kè-thîng
驶计程爱捌路草
sái kè-thîng ài bat lōo-tsháu
人客讲欲去大桥头
lâng-kheh kóng beh khì Tuā-kiô-thâu
我共驶去到北投
guá kā sái khì kàu Pak-tâu
人叫我欲去迪化街
lâng kiò guá beh khì Ti̍k-huà-ke
我共驶去到外双溪
guá kā sái khì kàu Guā-siang-khe
想着驶车也无软
siūnn tio̍h sái-tshia iā bô nńg
看破敢若著来去转
khuànn-phuà kánn tio̍h lâi-khì tńg
愈想欸~ 愈忧愁
jú siūnn--eh~ jú iu-tshiû
就按呢去佮人学拍手
tsiū-án-ne khì kah lâng o̍h phah-tshiú
是欲演彼号电视剧
sī beh ián hit-lō tiān-sī-kio̍k
欲做拍手阁人软弱
beh tsò phah-tshiú koh lâng luán-jio̍k
录影开始
lo̍k-iánn khai-sí
拍倒袂起
phah tó peh bē khí
昏倒半小时
hūn-tó puànn sió-sî
公司著了彼号医药钱
kong-si tio̍h liáu hit-lō i-io̍h tsînn
导演仙算就阁袂合台
tō-ián sian sǹg tō koh buē ha̍h-tâi
叫我转去保养才阁来
kiò guá tńg-khì pó-ióng tsiah-koh lâi
想着欸~ 面就乌
siūnn tio̍h--eh~ bīn tiō oo
看破转来去食彼号蕃薯箍
khuànn-phuà tńg lâi-khì tsia̍h hit-lō han-tsî-khoo
转来去食彼号蕃薯箍
tńg lâi-khì tsia̍h hit-lō han-tsî-khoo