思念亲像一只针 插置阮心肝 让人心疼
想起那天缘分到这 目眶又搁渐渐红
爱情亲像一阵影 闪过阮心肝 回头孤单
爱你只好切段感情线 不管你放荡的生活
你要对自己好 我也不搁为你甘苦
从今你走你的路 我会惦惦收起悲伤
我会对自己好 你免写批为我烦恼
虽然没你来疼惜 嘛会收到无声的祝福
------------------------------------------
《无声的祝福》Bô-siann ê Tsiok-hok
吴淑敏Ngôo Siok-bín
思念亲像一枝针
su-liām tshin-tshiūnn tsi̍t-ki tsiam
插伫阮心肝
tshah tī gún sim-kuann
予人心疼
hōo-lâng sim thiànn
想起彼工缘份到遮
siūnn-khí hit kang iân-hūn kàu tsia
目箍又阁渐渐红
ba̍k-khoo iū-koh tsiām-tsiām âng
爱情亲像一阵影
ài-tsîng tshin-tshiūnn tsi̍t-tsūn iánn
闪过阮心肝
siám kuè gún sim-kuann
回头孤单
huê-thâu koo-tuann
爱你只好切断感情线
ài lí tsí-hó tshiat-tn̄g kám-tsîng suànn
毋管你放荡的生活
m̄-kuán lí hòng-tōng ê sing-ua̍h
你爱对家己好
lí ài tuì ka-kī hó
我嘛袂阁为你艰苦
guá mā buē koh uī lí kan-khóo
从今你行你的路
tsiông-kim lí kiânn lí ê lōo
我会恬恬收起悲伤
guá ē tiām-tiām siu-khí pi-siong
我会对家己好
guá ē tuì ka-kī hó
你免写批为我烦恼
lí bián siá-phue uī guá huân-ló
虽然无你来疼惜
sui-jiân bô lí lâi thiànn-sioh
嘛会收著无声的祝福
mā ē siu-tio̍h bô-siann ê tsiok-hok