《一款米饲百样人》Tsi̍t-khuán Bí Tshī Pah-iūnn Lâng
王瑞霞Ông Suī-hâ
仝款的一种米
kāng-khuán ê tsi̍t-tsióng bí
哪会饲出百样人
ná ē tshī tshut pah-iūnn lâng
各人的命运
kok-lâng ê miā-ūn
拢总是无啥仝
lóng-tsóng sī bô siánn kāng
有的是看钱重
ū-ê sī khuànn tsînn tāng
虬俭阁瓮冻
khiû-khiām koh àng-tàng
有的是烧酒天天茫
ū-ê sī sio-tsiú thian-thian bâng
咱人啊自出世
lán-lâng--ah tsū tshut-sì
双手本空空空
siang-tshiú pún kha̋ng-khang-khang
日后若欲走
ji̍t-āu nā beh tsáu
也提袂走半项
iā the̍h buē tsáu puànn-hāng
人生日子
jîn-sing ji̍t-tsí
只有短短的数十冬
tsí-ū té-té ê sòo-tsa̍p tang
悲伤操烦是了戆工
pi-siong tshau-huân sī liáu gōng-kang
看开一切
khuànn-khui it-tshè
心头放轻松
sim-thâu pàng khin-sang
毋通阁再想空想缝
m̄-thang koh-tsài siūnn-khang-siūnn-phāng