点着手中的烟 亲像心罩黑云 为著怎样我的心哪这忧闷
甘讲是见了你 才会这呢心酸 亲像吐出的烟一阵隔一阵
想起过去的阮 可比天边彩云 哪会今吗心头总是乱纷纷
甘讲失去了你 才会失去了魂 亲像刀在割阮一循隔一循
哈呀 烟花的阮 嘛是期待着爱甲阮相借问
哈呀 阮的身份 要怨叹谁人这是阮的命运
哈呀 暗色的灯光 照出阮杯杯喝落拢是苦汤
---------------------------------------------------
《烟花》Ian-hua
王瑞霞 Ông Suī-hâ
点着手中的薰
tiám tio̍h tshiú-tiong ê hun
亲像心罩乌云
tshin-tshiūnn sim tà oo-hûn
为著怎样
uī-tio̍h tsuánn-iūnn
我的心哪遮忧闷
guá ê sim ná tsiah iu-būn
敢讲是见了你
kám-kóng-sī kìnn liáu lí
才会遮尔心酸
tsiah-ē tsiah-nī sim-sng
亲像吐出的薰
tshin-tshiūnn thòo tshut ê hun
一阵阁一阵
tsi̍t-tsūn koh tsi̍t-tsūn
想起过去的阮
siūnn-khí kuè-khì ê gún
可比天边彩云
khó-pí thinn-pinn tshái-hûn
哪会这马心头
ná ē tsit-má sim-thâu
总是乱纷纷
tsóng-sī luān hun-hun
敢讲失去了你
kám-kóng sit-khì liáu lí
才会失去了魂
tsiah-ē sit-khì liáu hûn
亲像刀咧割阮
tshin-tshiūnn to leh kuah gún
一巡阁一巡
tsi̍t-sûn koh tsi̍t-sûn
啊~哈~烟花的阮
ah~ ha~ ian-hua ê gún
嘛是期待着爱
mā sī kî-thāi tio̍h ài
共阮相借问
kā gún sio-tsioh-mn̄g
啊~哈~阮的身份
ah~ ha~ gún ê sin-hūn
欲怨叹啥人
beh uàn-thàn siánn-lâng
这是阮的命运
tse sī gún ê miā-ūn
啊~暗色的灯光
ah~ àm-sik ê ting-kng
照出阮杯杯啉落
tsiò tshut gún pue-pue lim--lo̍h
拢是苦汤
lóng-sī khóo thng