举头来看着天顶 思念他乡的子儿
想这时感无快乐 平安过日子
妈妈是每日行到 神前来为你祈祷
希望你早日返来 与阮大家会相会
更希望平安给我 妈妈看一下
月光暝时常想你 行到你的房间内
桌顶的你的相片 我在微笑
妈妈是亲像听见 彼一日你来为我
唱出著彼条的歌 妈妈请您也保重
会给我老人伤心 目屎流袂离
透早起行到庙前 行路的人真稀微
看起着人的子儿 亲像我子儿
妈妈是为你一个 每早起饭也无吃
希望你早日返来 给著大家会相会
更希望平安给我 妈妈看一下
------------------------------------------
14227/《囝儿请保重》Kiánn-jî Tshiánn Pó-tiōng
文夏Bûn-hā
攑头来看着天顶
gia̍h-thâu lâi khuànn-tio̍h thinn-tíng
思念他乡的囝儿
su-liām thann-hiong ê kiánn-jî
想这时敢无
siūnn tsit-sî kám bô
快乐平安过日子
khuài-lo̍k pîng-an kuè ji̍t-tsí
妈妈是每日
má-mah sī muí-ji̍t
行到神前
kiânn kàu sîn tsîng
来为你祈祷
lâi uī lí kî-tó
希望你早日倒来
hi-bāng lí tsá-ji̍t tó--lâi
佮著逐家会相会
kah tio̍h ta̍k-ke ē siong-huē
更希望平安
kìng hi-bāng pîng-an
予我妈妈看一下
hōo guá má-mah khuànn--tsi̍t-ē
月光暝时常想你
ge̍h-kng-mî sî-siông siūnn lí
行到你的房间内
kiânn kàu lí ê pâng-king lāi
桌顶的你的相片
toh-tíng ê lí ê siòng-phìnn
为我咧微笑
uī guá teh bî-tshiò
妈妈是
má-mah sī
亲像听见
tshin-tshiūnn thiann-kìnn
彼一日你来为我
hit-tsi̍t-ji̍t lí lâi uī guá
唱出著彼条的歌
tshiùnn-tshut tio̍h hit tiâu ê kua
妈妈请你也保重
má-mah tshiánn lí iā pó-tiōng
会予我老人伤心
ē hōo guá lāu-lâng siong-sim
目屎流袂离
ba̍k-sái lâu bē-lī
透早起行到庙前
thàu tsá-khí kiânn kàu biō-tsîng
行路的人真稀微
kiânn-lōo ê lâng tsin hi-bî
看起着人的囝儿
khuànn khí tio̍h lâng ê kiánn-jî
亲像我囝儿
tshin-tshiūnn guá kiánn-jî
妈妈是为你一个
má-mah sī uī lí tsi̍t-ê
逐早起饭也无食
ta̍k tsá-khí pn̄g iā bô tsia̍h
希望你早日倒来
hi-bāng lí tsá-ji̍t tó--lâi
佮著逐家会相会
kah tio̍h ta̍k-ke ē siong-huē
更希望平安
kìng hi-bāng pîng-an
予我妈妈看一下
hōo guá má-mah khuànn--tsi̍t-ē